Soma Biblia Kila Siku 9Mfano

Naftali na Asheri yanamalizia makabila yaliyopokea baraka zake Bwana kwa njia ya Musa (m.23-25). Ndipo Musa anawakumbushia tena makabila yote ukuu wa Mungu na neema yake ya ajabu, kwamba Mungu wa milele ndiye makazi yako, na mikono ya milele i chini yako (m.27). Mungu wa milele hayuko mbali, bali amesogea karibu mpaka mikono yake i katikati ya taifa la Israeli. Tena yu juu yao (m.26: Hapana aliyefanana na Mungu, Ee Yeshuruni, ajaye amepanda juu ya mbingu ili akusaidie. na juu ya mawingu katika utukufu wake) na mbele yao (m.27: Mbele yako amemsukumia mbali adui; akasema, Angamiza). Kweli kabisa, U heri, Israeli. Ni nani aliye kama wewe, taifa lililookolewa na BWANA(m.29).