Soma Biblia Kila Siku 7Mfano

Sasa ulikuwa ni mpango kwamba Paulo pamoja na wafungwa wengine wapelekwe Italia. Huko kesi ya Paulo ilikuwa ipelekwe mbele ya Kaisari katika mji wa Rumi. Ili kufika huko ilikuwa ni lazima wavuke bahari kubwa, Bahari ya Kati (tuabiri hata Italia, m.1). Safari yao hii ikawa ngumu sana kutokana na hali ya hewa. Sura hii yote na nusu ya sura ya 28 inahusu safari hii. Kwa hiyo imeelezwa kwa kirefu hatua kwa hatua. Ni wazi kwamba mwandishi wa habari (Luka) alikuwemo kwenye safari hii. Kwa hiyo kila wakati huandika "tu", kwa mfano katika m.1: Basi ilipoamriwa tuabiri hata Italia, ... .