Soma Biblia Kila Siku 7Mfano

Kumnyima mtu haki yake, na uovu mwingine wowote dhidi ya wenzetu wa jamii, ni chukizo kwa Mungu. Anatutaka tumtendee kila mtu kwa haki, na kuwakirimu wahitaji kadri tutavyojaliwa. Kwa nini? Mfalme katika mfano wa Yesu anatoa jibu, akisema,Amin, nawaambia, kadiri mlivyomtendea mmojawapo wa hao ndugu zangu walio wadogo, mlinitendea mimi(Mt 25:40). Kama Mungu mwenyewe anavyowavumilia waovu na wadilifu, sisi nasi tuwastahi watu wote. Tukumbuke wema wa Mungu hutuvuta tupate kutubu.Au waudharau wingi wa wema wake na ustahimili wake na uvumilivu wake, usijue ya kuwa wema wa Mungu wakuvuta upate kutubu?(Rum 2:4). Tambua kuwa ni Mungu pekee ajuaye yanayomstahili mwovu na mwadilifu. Tukienda mbele zake kwa unyofu, atatukirimia yastahiliyo wanyenyekevu.