Ishi kwa Nguvu na Ujasiri!Mfano

“Anafanya   Mambo Yote Kukupatia Mema”

Mungu   anatawala maeneo yote ya maisha yetu. Ana uwezo wote wa kufanya hali yo yote   kuleta faida kwetu kama waamini.

“Nasi   twajua ya kuwa katika mambo yote Mungu hufanya kazi pamoja na wale wampendao   katika kuwapatia mema, yaani, wale walioitwa kwa kusudi lake.” Warumi 8:28

Ana uwezo   mkamilifu wa kushughulika na hata changamoto ngumu zaidi za maisha, na atatuongoza katika mapito ya kutimiza mpango   Wake kwa maisha yetu. Anataka tu sisi kumtumaini Yeye kufanya hivyo.

“Mtumaini   BWANA kwa moyo wako wote, Wala usizitegemee akili zako mwenyewe; Katika njia   zako zote mkiri yeye, Naye atayanyosha mapito yako.” Mithali 3:5-6 

Kuweka   tumaini letu kwa Mungu haichukui nafasi ya wajibu binafsi na uwakili mwema.   Isipokuwa, wajibu binafsi na kumtumaini Yeye vinakwenda sambamba. Tunapofanya sehemu yetu, Mungu   siku zote ni mwaminifu kufanya sehemu yake na kutuongoza kikamilifu.

Mara   nyingi, uongozi wa Mungu huja kwa njia ya "mlango" uliofunguliwa au   kufungwa katika mazingira yetu. Wakati mwingine,  hali zetu zinahitaji tu kuingilia kati kwa   Mungu kwa hali yake ya Kiungu katika kuponya, kutenda muujiza au kukamilisha   jambo fulani ambalo bila hivyo insigewezekana.

Yesu   akawakazia macho, akawaambia, Kwa wanadamu hilo haliwezekani; bali kwa Mungu   yote yanawezekana." Mathayo 19:26   

Kwamba iwe   ni kukabiliwa na ugonjwa usio na tiba, matatizo ya ki-fedha, au hata   kuondokewa kwa kutotarajia kwa umpendaye, Mungu yupo na anaweza kutenda   kiungu katika nyakati hizo.

Mungu ni   mtaalamu wa kubadili msiba kuwa ushindi na tatizo kuwa furaha kupitia Roho   Mtakatifu. Usiwe na wasi wasi Mungu bado yuko katika "shughuli ya   kutenda miujiza" leo. Mungu anaweza kuingilia kati hali yo yote   iliyoshindikana!