Ishi kwa Nguvu na Ujasiri!Mfano

"Hauko Peke Yako”

Huwa inasemwa kwamba maisha yanahusisha mabonde na milima,   wakati wa kufurahi na ahadi zilizojaa nyakati za changamoto na mashaka.   Maisha sio kupanda kwenda kileleni juu siku zote; isipokuwa ni safari yenye   milima na mabonde. Kila mmoja, waamini na wasioamini kwa pamoja, hupitia   maisha ya kwenda juu na chini.

Lakini kama Wakristo, tuna ahadi ya ajabu toka kwa Mungu   kwamba hatutakabili mabonde ya maisha peke yetu. Haya hapa maneno yake ya   kutia moyo kwetu:

“Iweni hodari na moyo wa ushujaa, msiogope wala msiwahofu;   kwa maana BWANA, Mungu wako, yeye ndiye anayekwenda pamoja nawe,   hatakupungukia wala kukuacha.” Kumbukumbu la Torati 31:6

Ukweli ni kwamba tunahitaji uwepo wa Mungu katika nyakati   zote za changamoto na nyakati za mafanikio. Kwa kujua Mungu yu pamoja nasi,   tunaweza kukabili kila changamoto ya maisha kama ngazi kuelekea mafanikio na   wala sio kushuka kuelekea kukata tamaa.

Hakuna   mlima ulio mkubwa kupita kiasi au bonde lililo chini sana ambalo Mungu   hatakutana nasi. Haijalishi mazingira yanayotukabili, Mungu ni mwaminifu, na   siku zote yuko nasi!