Soma Biblia Kila Siku 4Mfano

Mwaka wa 50 Paulo alifika Thesalonike, mji mkuu wa Makedonia, kwenye safari yake ya pili ya kueneza Injili, akakaa majuma 3 tu, akafukuzwa na Wayahudi (ukitaka kusoma habari zote, angalia Mdo 17:1-10). Hata hivyo usharika wa kudumu ulianzishwa. Sababu moja ya mafanikio hayo ni maombezi ya Paulo (m.2). Tafakari alama za usharika hai (taz. m.3): 1.Imani itendayo, ikitegemea kazi ya wokovu iliyofanywa na Yesu. 2.Upendo udumuo kusaidia hata panapotokea taabu. 3. Tumaini katika kuja kwa Yesu liletalo faraja na kuwezesha kuangalia mbele kwa saburi.