Soma Biblia Kila Siku 4Mfano

Pasaka ni sikukuu ya furaha. Mwokozi wetu yu hai. Hayumo kaburini tena. Yesu ameshinda kifo. Habari zake zinatutia imani kwamba nguvu ile iliyomfufua Kristo iko pia kwa ajili yetu. Katika Efe 1:19-20 imeandikwa: Mungu wa Bwana wetu Yesu Kristo, Baba wa utukufu, awape ninyi ... mjue ... ubora wa ukuu wa uweza wake ndani yetu tuaminio jinsi ulivyo; kwa kadiri ya utendaji wa nguvu za uweza wake aliotenda katika Kristo alipomfufua katika wafu, akamweka mkono wake wa kuume katika ulimwengu wa roho. Mwokozi wetu hayupo tena kaburini, na kwa hiyo na sisi tunaomwamini tumewekwa huru na nguvu ya dhambi na mauti. Yesu ametufanya wapya kwa nguvu ya ufufuo wake. Furaha ya Pasaka itufanye tuwe na ujasiri kuwaambia wengine, hasa wale ambao wamegubikwa na mashaka na wasiwasi kama Petro (m.7).