Si e Forcon Perëndia Besimin Tim?

Çfarë e bën jetën të jetë një aventurë e madhe? Sa nga ju do të donit të kishit më shumë besim tek Perëndia? Unë do të doja. Për 7 ditë rresht në këtë plan ne do të zbulojmë: “Si e forcon Perëndia besimin tim?”

Jezusi tha: "U bëftë sipas besimit tuaj." Ky është çelësi i një aventure të madhe. Perëndia thotë: “Ti zgjedh sesa do ta bekoj jetën tënde. Ti beso, dhe Unë do ta bëj, ti beso dhe Unë do të jap, Unë do të bekoj.”

"Çdo gjë është e mundshme për atë që beson." (Marku 9:23)

Besimi është si muskujt—zhvillohet! Mund të forcohet më shumë se ç’është ose mund të dobësohet. E gjitha varet nga ti, sesa shumë do ta përdorësh. Nëse mendon që besimi yt është i dobët, të ftoj të lexosh këtë plan 7 ditor ku do të shohim bashkë 6 hapa sesi Perëndia e ndërton dhe e rrit besimin tonë.

Si e forcon Perëndia besimin tim?

Ai përdor një model shumë të thjeshtë, një proces të thjeshtë. Nëse arrin ta kuptosh, mund të bashkëpunosh me Të. Bibla thotë: “Pa besim, është e pamundur t'i pëlqesh Perëndisë.”

Pyetja që bëhet më shpesh është:“Pse po më ndodh mua kjo gjë? Unë se kuptoj dot, pse mua?” Nëse nuk i kupton 6 hapat sesi Perëndia e ndërton karakterin dhe besimin tënd, e vërteta është që ke për t’u zhgënjyer. Madje edhe mund të hidhërohesh; dhe me siguri që do të shqetësohesh. Mund edhe të ndiesh frikë për të ardhmen; dhe më e keqja akoma, nuk mund të bashkëpunosh me Perëndinë. Kur e kupton sesi Perëndia do që çdo besimtar të kalojë nëpër këto 6 hapa, atëherë ke për të thënë, “Ooh tani e kuptoj, unë jam tek hapi 4 i besimit tim tani.” Apo 6 apo 2.

Kupto se çfarë po të ndodh, dhe mos u zhgënje kur ditët vështirësohen!

A je gati për këtë aventurë të re? Je gati të lejosh Perëndinë që të forcojë besimin, të ndërtojë karakterin tënd dhe të bashkëpunosh me Të?!

Merr pak kohë dhe lutu me fjalët që Perëndia po të vendos në zemër...