Le të lexojmë BiblënShembull

Marku 14:14

Dhe atje ku ai do të hyjë, i thoni të zotit të shtëpisë: “Mësuesi thotë: Ku është dhoma ku mund të ha Pashkën me dishepujt e mi?”

Darka e Zotit

Pothuajse erdhi koha e një feste në Jerusalem. Kjo festë quhej Pashkë. Jezusi dhe dishepujt e Tij do ta festonin gjithashtu. Ata donin të përgatisnin një vakt për Të, por Jezusi nuk kishte një shtëpi të Vetën. Dy nga dishepujt e Tij i thanë: “Ku do ta hamë darkën?”. Jezusi u tha: “Kur të shkoni në qytet, do të shihni një burrë që mban një shtambë me ujë. Ndiqeni atë. Tek ajo shtëpi ku ai do të hyjë, duhet të hyni edhe ju. Atëherë do të pyesni: “Ku mund të darkojë Mësuesi e ne me Të?” Atëherë i zoti i shtëpisë do t'ju tregojë një dhomë.” Dhe pikërisht kështu ndodhi! Ajo që Jezusi dëshiron dhe thotë do të ndodhë gjithmonë.