Le të lexojmë BiblënShembull

Mateu 2:1, 2

Edhe Jezusi, si lindi në Bethlehem të Judesë në ditët e mbretit Herod, ja, dijetarë nga lindja erdhën në Jeruzalem, duke thënë: «Ku është mbreti i judenjve, që ka lindur? Sepse pamë yllin e tij në lindje dhe erdhëm ta adhurojmë».

Dijetarët nga Lindja

Ishte bërë natë. Në një vend, larg Izraelit, tre dijetarë po vështronin yjet. Ata e bënin shpesh këtë gjë. Ata dinin shumë rreth yjeve. Kur një yll i ri niste të shkëlqente, syri i tyre e shihte menjeherë. Ata ishin shumë të mençur! Një natë ata po shihnin një yll të ri, një yll shumë të madh dhe thanë: “Ai yll ndoshta nënkupton diçka. Mbase ka lindur një mbret! Ejani, ne duhet të shkojmë dhe ta gjejmë atë Fëmijë.” Ata udhëtuan me devetë e tyre për në vendin ku gjendej ylli. Ata morën me vete dhurata të këndshme. Ku duhej ta kërkonin ata këtë Mbret? Në një pallat, sigurisht!

Mendo rreth kësaj...

Jezusi donte të bëhej shumë i varfër për t'i bërë njerëzit shumë të pasur dhe të lumtur. Ai dëshironte t’i bënte ata të pasur jo duke dhënë para ose gjëra. Ai i bën njerëzit të pasur duke u dhënë besim dhe dashuri për Perëndinë në zemrat e tyre. A je dhe ti i tillë?