Zgjidh: Kujtoji Vetes Ungjillin Çdo DitëShembull

Një kishë lokale dikur bëri një udhëtim misioni, për të ndërtuar një kishë në një fshat të largët në Rusi. Ata po ndërtonin shtëpinë e adhurimit nga gurët e një burgu të braktisur Rus. Çfarë skene e jashtëzakonshme!

Një vëmendje e veçantë iu dedikua ruajtjes së gurëve. Ndërsa lëviznin gurët e mëdhenj, ata zbuluan një gur të gërmuar me një kuti brenda; brenda kutisë ishte një shënim i shkruar me ngut: "Ne jemi një grup i Krishterë të detyruar nga komunistët të marrim gurët e kishës sonë dhe të ndërtojmë një burg, ku do të qëndrojmë derisa të vdesim. Lutja jonë është një ditë që këta gurë, do të përdoren përsëri për të ndërtuar një kishë. "

Kur Krishti u ringjall prej së vdekurish, Ai zgjodhi t’i zbulonte veten të parës Maria Magdalenës. Në ato ditë, dëshmia e një gruaje as nuk do të merrej në gjyq. Por Jezusi zgjodhi një grua të varfër si dëshmitaren e Tij të parë, duke i treguar botës një grua minoritare, me lajmin më të madhë në botë që mund të shkatërrojë më të madhen, perandoria më dominuese në historinë e njerëzimit. Dhe në ditët e sotme, mbretëria e Perëndisë po rritet me mijëra çdo ditë, burra dhe gra që i nënshtrojnë jetët e tyre ndaj Krishtit, ndërsa mbretëria Romake shtrihet në rrënoja.

Historia e Ungjillit është një histori e njerëzve të thjeshtë që dëshmojnë dhe përjetojnë fuqinë e jashtëzakonshme të ringjalljes. Kurdo që të ndihesh i varfër dhe i pafuqishëm, Krishti i ringjallur qëndron i gatshëm të zbulojë fuqinë e Tij nëpërmjet teje. Të gjitha fushat e jetës tënde që duken të parëndësishme, janë pikërisht aty ku Krishti po kërkon të bëjë një mrekulli tjetër të ringjalljes.

Krishti bëri mrekullitë e Tij më të mëdha midis njerëzve më të zakonshëm, në qytetet më të parëndësishme, në kohërat më të zakonshme. Shumica e mrekullive nuk u bënë në tempullin e Jeruzalemit, por në periferi të fshatrave të vegjël. Nëse je në një vend të parëndësishëm, mund të jesh pikërisht në vendin perfekt që fuqia e ringjalljes së Zotit të nisi papritur.

Kur fillon të ndash Ungjillin me zemrën tënde çdo ditë, do të fillosh të shohësh ringjalljen në ditët, vendet dhe njerëzit më të zakonshëm.