Soma Biblia Kila Siku 10/2024Sample

Mungu hawaiti watu kwa huduma yake bila kuwatambulisha kwa wale watakaohudumiwa. Alikuwa amekabidhi kazi ya huduma ya ukuhani kwa kabila la Walawi, na nyumba ya Haruni inatokana na Walawi. Kwa hiyo Haruni na wana wake ndio wanaowekwa wakfu kwa wito huo maalumu. Tangu Yesu alipokuja kuwa Kuhani mkuu, huduma hii maalumu ya ukuhani haipo tena, isipokuwawotewamwaminio Yesu wamekabidhiwa ukuhani wa kifalme wa kutangaza au kushuhudia matendo makuu ya wokovu wa Mungu.Kama mawe yaliyo hai, mmejengwa mwe nyumba ya Roho, ukuhani mtakatifu, mtoe dhabihu za roho, zinazokubaliwa na Mungu, kwa njia ya Yesu Kristo. ... Ninyi ni mzao mteule, ukuhani wa kifalme, taifa takatifu, watu wa milki ya Mungu, mpate kuzitangaza fadhili zake yeye aliyewaita mtoke gizani mkaingie katika nuru yake ya ajabu (1 Pet 2:5 na 9).