FCA 365 Өдрийн Чимээгүй ЦагSample

ДАСГАЛЖУУЛАГЧИЙН ЗАН ЧАНАР

Оол Шиербам

Та нарын энэ хийж буй зүйлд чинь сайн юм алга. Та нар дайснуудынхаа болон
үндэстнүүдийн дарлалд орох гээ юу. Үүнээс л мултрахын тулд Бурханаас эмээж
амьдрах ёстой бус уу?
- Нехемиа 5:9

Та аливаа байгууллага, гэр бүл, багийн амжилтад зан чанар чухал үүрэгтэй гэдэгт санал
нийлэх байх. Нехемиа ханан хэрмийг сэргээн барихад зарим зан чанарын асуудал
гараагүй бол хана барьсны хэрэг гарахгүй байх байлаа. Бурхан Нехемиаг зөвхөн ханан
хэрмийг барих ажилд дуудаагүй юм. Тэрээр түүнийг илүү агуу үйлчлэл болох зүрх сэтгэлийн
үйлчлэлд дуудсан байжээ.
Нехемиа бардамнал, шударга бус байдал, мөлжлөг зэргийг хүчтэй зэмлэдэг итгэмжит
нэгэн байсан бөгөөд амьдралаараа бурханлаг нэгний жишээ болсон юм. Тэрээр удирдагчийн
хувьд зөв зан чанарыг үлгэрлэн харуулсан. Эхлээд тэрээр шудрага бус мөлжлөгийг зогсоосон.
Хөрөнгөтэй еврейчүүд бусдаас өндөр татвар хураан, боолчлон мөлждөг байсан юм. Хоёрт,
Нехемиа хүмүүсийнхээ эрүүл мэндийг анхаар хэмээн удирдагчдад үүрэг болгосон. Саяхан
би хөлбөмбөгийн ахлах дасгалжуулагч нэг хүнтэй ярилцсан бөгөөд тэрээр шинэ туслах
дасгалжуулагч авах зар тавихад цүнх дүүрэн бэлтгэлийн төлөвлөгөөтэй нэгэн ирсэн тухай
хүүрнэсэн юм. Ахлах дасгалжуулагч “цүнхэнд юу байх огт хамаагүй, хэрэгтэй бол хэчнээн ч
дасгалжуулагч аваад тэдгээр төлөвлөгөөг гаргаж болно. Харин тамирчдаа хэрхэн анхааран
халамжилж чадах вэ гэдэг л чухал. Та өөрөөсөө илүүгээр тэднийг хайрлаж чадах уу?” гэж
хэлсэн юм. Гуравт, Нехемиа үйлчлэн удирдахын үнэ цэнг ойлгосон хүн байв. Баг ямар байх
нь дасгалжуулагчаас хамаардаг. Тамирчид дасгалжуулагчийн хий гэснийг хийдэг. Дөрөвт,
тэрээр хүмүүст хайртай мөн Эзэнд таалагдахыг хүсдэг нэгэн байсан тул захирагчийн өгсөн
эрх ямбанд нүд нь сохроогүй ажээ.

1.Тамирчидтайгаа харилцах үед таны хувийн зан чанар хэрхэн илэрдэг вэ?
2.Зан чанар хамгийн чухал гэж та бодож байсан уу?
3.Та хэр үйлчилдэг удирдагч вэ?
4.Нэмэлтээр унших: Нехемиа 5

Эзэн минь, бурханлаг зан чанартай, сайн дасгалжуулагч байхад минь туслаач.
Тамирчдаа үлгэрлэн дагуулахад надад туслаарай. Амен.