FCA 365 Өдрийн Чимээгүй ЦагSample

САНАА ЗОВНИЛ, АЙДАС,
ТҮГШҮҮРЭЭС САЛАХ НЬ

Брайд Сүүси

Харин эхлээд Бурханы хаанчлал ба зөвт байдлыг нь хайгтун.
Тэгвэл энэ бүхнийг та нарт нэмж өгөх болно.
- Матай 6:33

Бид бараг бүх зүйлд уцаарладаг. Өөрсдийн ирээдүй, мэргэжил, багийн чадвар, бүтэлгүйтэл
гээд санаа зовохгүй зүйлгүй. Хүмүүс санаа зовж, хямарснаасаа болж сэтгэл санаагаар
шаналж, байнгын тайвшруулах эм уун амьдарч байна. Харин Христэд итгэгч бид хэрхэн
эрүүл саруул амьдрахыг мэднэ.
Бурхан бол сайн. Түүнийг эрэн хайвал Тэр бидэнд санаа зовнилоос илүү эрх чөлөөг өгдөг.
Гэвч Эзэнийг эрэн хайхад заримдаа садаа болдог зүйлс бий. Үүнд: мөнгө, ажил, амжилт, тав
тух зэрэг хүслүүд багтана. Эзэн бидний амьдралын хамгийн эхэнд байхыг хүсдэг. Зөвхөн үг
яриагаар бус, харин бидний үйл хөдлөл болон өдөр тутмын амьдралын маань эхэнд байхыг
Тэр хүсдэг.
11 жилийн өмнө би худалдагч хийдэг байлаа. Тэр ажилдаа дургүй байсан тул өөр ажил
хайж эхлэв. Миний сэтгэлийн гүнд мөрөөдлөө биелүүлж чадахгүй залууст туслах чин хүсэл
байдаг байв. Бурхан итгэмжит гэдгээ харуулж нэгэн дээд сургуульд дасгалжуулагч хийх
боломжийг нээж өгөв. Би өмнө нь дасгалжуулагч хийж байгаагүй боловч Эзэний удирдлагыг
дагасан. Би ажилдаа хайртай. Эзэнд бүх алдрыг өргөе. Бид Түүнийг амьдралынхаа хамгийн
эхэнд тавьбал Тэр гайхамшгийг үйлддэг билээ. Матай 6:33-т Эзэний амлалт байдаг. Тэр нь
“юуны өмнө Түүнийг эрэн хай, энэ дэлхийн зүйлсэд бүү санаа зов” гэсэн юм.

1.Та юунаас болж санаа зовж байна вэ?
2.Та юунаас хамгийн их айдаг вэ?
3.Та амьдралдаа юуг эрэн хайж байна вэ?
4.Нэмэлтээр унших: Марк 4:35–41; Филиппой 4:2–9

Эзэн минь, бүх зүрх сэтгэлээрээ Таныг эрэн хайх итгэлийг өгөөч. Амьдралд минь агуу
зүйлсийг хийж өгнө хэмээн Танд найдахад туслаач. Амен.