FCA 365 Өдрийн Чимээгүй ЦагSample

ТИТЭМ

Жейсон Берник

Харин чи бүх юманд саруул ухаантай бай, хэцүүг тэвч, сайнмэдээг дэлгэрүүлэгчийн
ажлыг хий, үйлчлэлээ гүйцэтгэ...
Урд минь зөвт байдлын титэм надад зэхэгдсэн байна.
- 2 Тимот 4: 5, 8а

1996-97 он Дитройт Ред Вингс хоккейн багийн хувьд гайхалтай хэр нь гунигтай улирал
байсан юм. Тэд хоккейн хамгийн том шагнал болох Стенли цомыг хожив. Гэвч тэдний
багийн гол тоглогч авто машины осолд орсноор баяр баясгалан уйтгар гуниг болон
өөрчлөгджээ. Стенли цомыг хожсоны дараагийн өдөр, Владимир Константинов комд
орж, ухаангүй болсон юм. Тэр дэлхийн хэмжээний тамирчин болох гэж маш их тэмцсэн
бол дараа нь амьдралын төлөөх хамгийн агуу тулаанаа хийв. Карьер аль хэдийн дууссан
тэр хүмүүсийн төсөөлсөнөөс ч илүүгээр тэмцсэн юм. Владимир одоо тэргэнцэртэй явдаг
болсон.
Дараагийн улиралд Рэд Вингс Владимирын төлөө дахин аварга болно хэмээн амлав. Тэд
өмсгөл дээрээ “итгэж байна” гэж оросоор бичсэн тэмдэг зүүж, Стенли цомыг дахин авч,
ялалт байгуулсан юм. Аваргын тоглолтын төгсгөлд, Владимир мөсөн дээр тэргэнцэртэйгээ
гарч ирэхэд, багийнхан нь түүний өвөр дээр цомоо тавиад, мөсөн дээр түрэн явахад түүний
царай ер бусын жаргалтай харагдсан юм.
Христэд итгэгч хүн амар хялбар амьдарна гэсэн баталгаа байхгүй. Зовлон, хүнд хэцүү
байдлаас биднийг тойруулна гэсэн амлалт ч байхгүй. Гэхдээ итгэлтэй хүн мөнхийн титмийг
авна. Хүнд хүчир ажил хийн, унаж босон, гэмтэж бэртсэн ч бид Шударга Шүүгчээс зөвт
байдлын титмийг хүртэх юм. Тиймээс үргэлж сайн тэмцлээр тэмц. “Христ Есүсийн сайн
цэрэг байж... хэцүү бэрхийг тэвч” (2 Тимот 2:3). Нэг өдөр бид Есүс Христийн өмнө зогсоод
“сайн байна итгэлт зарц минь” гэж хэлүүлэх болно. Энэ бол Стенли цом өргөхөөс ч илүү
агуу шагнал билээ.

1.Танд одоо хэцүү бэрх зүйл тулгарч байна уу?
2.Эдгээр бэрхшээлүүд нь дасгалжуулагч, гэр бүлийнхэн, тамирчид гээд бусадтай
харилцах харилцаанд чинь нөлөөлж байна уу?
3.“Замаа дуусга” гэсэн нь ямар утгатай үг вэ?
4.Нэмэлтээр унших: 2 Тимот 2:3; 1 Коринт 9:24–27

Эзэн минь, хүнд хэцүү үед Та үргэлж хамт байдаг гэдгээ сануулж өгөөч. Миний сайн
сайхны төлөө бэрхшээл учирдаг гэдэгт итгэж байна. Намайг улам бүр хүчтэй,
зоригтой болгож өгөөч. Амен.