FCA 365 Өдрийн Чимээгүй ЦагSample

ЭР ЗОРИГ

Рожер Д.Лайп

Тууштай бөгөөд зоригтой бай. Өвөг дээдэст нь өгөхөөр Миний андгайлсан газар
нутгийг чи энэ ард түмэнд өвлүүлэн эзэмшүүлнэ. Гагцхүү тууштай бөгөөд чин
зоригтой бай. Миний зарц Мосегийн чамд тушаасан бүх хуулийг сахин биелүүл.
Үүнээс баруун тийш ч, зүүн тийш ч бүү хазай.
Тэгвэл чи хаа явсан газраа амжилт олно.
- Иошуа 1:6-7

Спорт ямар үед эр зориг шаарддаг вэ? Өрсөлдөөнтэй үед үү? Бэрхшээлийг даван гарахад
эр зориг ямар үүрэгтэй вэ? Өнөөдрийн уншсан үгэнд хүч чадал, эр зоригийн хүчирхэг
хоршлын талаар гарч байна.
Мосег нас барсны дараа Иошуа удирдагч болдог. Үүнийг тэр хамгийн зүрх үхүүлэм үүрэг
хэмээн бодож байсан ч Эзэн түүнд хүчтэй, зоригтой байх тухай хоёр ч удаа сануулсан
байдаг. Удирдан манлайлахад нь Иошуад хамгийн хэрэгтэй байсан чанар бол эр зориг байв.
Өнөөдрийн өрсөлдөөн тэмцэл дүүрэн нийгэмд ямар нөхцөл байдлууд биднийг хүчтэй,
зоригтой байхыг шаардаж болох вэ? Мосегоос шууд үйлчлэлийг хүлээн авсан шиг зарим
нөхцөл байдал бидэнд аймшигтай мэт санагдаж болно.
Иошуад өгсөн Эзэний үг өнөөдөр бидэнд ирж байна. “Тууштай бөгөөд зоригтой бай. Хаа
явсан газраа амжилт олохын тулд ялна гэсэн зориг, итгэлтэй бай. Өнөөдрийн тэмцээнд
орохдоо зоригтой бай. Итгэлтэй бай. Өрсөлдөгчтэйгөө зоригтойгоор тулж, ялахыг хүсэн
тэмүүл.”

1.Спорт хэзээ танаас эр зориг шаарддаг вэ?
2.Бэрхшээлийг даван гарахад эр зориг ямар үүрэгтэй вэ?
3.Өнөөдөр юу танаас хүчтэй, зоригтой байхыг шаардаж байна вэ?
4.Нэмэлтээр унших: Исаиа 41:1–9; Иохан 16:28–33

Аав аа, Иошуа болон түүний дагалдагчдад өгсөн эр зоригоо та надад болон манай
багийн тамирчдад өгөөч. Танд алдрыг өргөн, хүчтэй, зоригтой, тууштай өрсөлдөхөд
туслаарай. Амен.