FCA 365 Өдрийн Чимээгүй ЦагSample

ДАСГАЛЖУУЛАГЧ П

Скот Айштон

Номлогч,
“Хоосноос хоосона агаад хоосны хоосон,
Бүгд хоосон ажээ” гэнэ.
- Номлогчийн үгс 1:2

Бид жилийн өмнө мужийн аварга баг болсон хэдий ч бүгд хэдийнээ мартчихсан юм
шиг санагдлаа. Энэ нь НОМЛОГЧИЙН ҮГС номын нэг эшлэлийг надад бодогдуулсан
юм. Дэлхийн зүйлс нь миний амьдралын утга учир, хүсэл эрмэлзлийг хангаж чаддаггүй.
СургуулийнхөлбөмбөгийндасгалжуулагчдыннэгболохдасгалжуулагчПетерсоныг
Библиэс хуваалцаж өгөөч хэмээн Христитгэлт тамирчдын нөхөрлөлдөө би урьлаа. Ихэнх
насанд хүрэгчдийн ухаалаг зөвлөгөөнөөс намайг татгалзсан тэр үед дасгалжуулагчийнхаа
үгэнд орж бай гэсэн Петерсоны үг миний сонирхлыг татав. Дасгалжуулагчийн зөвлөгөө
нь маш хүчтэй бөгөөд нөлөө их байдаг учир нь залуу тамирчид дасгалжуулагчаа хүндэлж
тэднийг анхааралтай сонсдогтой холбоотой ажээ.
Дасгалжуулагч Петерсон гэртээ амарч, кино үзэж, гэр бүлтэйгээ цагийг өнгөрүүлж
болох байсан ч ТАМИРЧДЫН НӨХӨРЛӨЛД ирсэн юм. Тэр бидэнд Христэд амьдралаа
зориулж, бидний нүглийг цагаатгахын тулд өөрийгөө золиос болгосон Есүс Христийг
хүлээн зөвшөөрч амьдарна гэдэг нь ямар утга учиртай болохыг тайлбарласан. Харин тэр
шөнө би амьдралаа Христэд өгсөн юм. 11 жилийн дараа би Тамирчны хөдөлгөөнд бүтэн
цагаар ажиллаж эхэлсэн бөгөөд энэ нь тэр цагт нэг залуу Христийн төлөө дасгалжуулагчаар
ажиллах ухаалаг шийдвэр гаргасантай холбоотой байв.
Дасгалжуулагч Петерсон гайхалтай залуу байсан ч бусдын л адил төгс биш байв. Тэр
Христ дотор алхаж байхдаа ч гэсэн тэмцэж байсан гэдэгт би итгэдэг. Алдаа зөрчил маань
Христийн төлөө ямар нэг зүйл хийхэд саад болох байдлыг бид зөвшөөрдөг. Бид Бурханы
нигүүлслийг мартдаг. Намайг аврахын тулд дасгалжуулагч Петерсон цаг зав, зүрх сэтгэлээ
зориулсанд би байнга талархаж байдаг.

1.Би дасгалжуулагчийн хувьд бусдад өгөх нөлөөг мөнхийн зорилгын төлөө ашиглаж
байна уу?
2.Дасгалжуулагчийн хувьд би хүнд ялагдлын дараа эсвэл тоглолтын үед уурласныхаа
дараа бусдад үзүүлэх өөрийн нөлөөний талаар бодож байна уу?
3.Энэ 7 хоногт би ямар арга замаар бусдад Христийн төлөө нөлөөлж болох вэ?
4.Нэмэлтээр унших: Исаиа 40:28–29; Матай 16:24–26; 2 Коринт 9:8; Ефес 5:8–10

Аав аа, миний нүглийг уучлаач. Таны төлөө бусдад хүрэх боломжуудад саад болж
байгаад уучлаач. Таны нигүүсэл дотор амрахад минь туслаарай. Ариун Сүнс ээ, намайг
чиглүүлж, Таны алдрын төлөө нөлөөгөө ашиглахад намайг удирдаарай. Амен.