FCA 365 Өдрийн Чимээгүй ЦагSample

МӨНХИЙН УЛСЫН КЛУБ

П.Ж.Медүри

Тиймээс Тэр Өөрөөр нь дамжуулан Бурханд ойртогсдыг бүрмөсөн аварч чадна.
Тэр тэдний төлөө зуучлан залбирч, үргэлж амьд оршдог.
- Еврей 7:25

Багт дэмжигчид хэрэгтэй шиг дасгалжуулагчид ч мөн дэмжлэг хэрэгтэй. Тийм ч учраас
ихэнх сургуулиудад эцэг эхчүүд, спорт сонирхогчдоос бүрдсэн дэмжигч клуб байдаг.
Ихэнхдээ клубын гишүүд сургуулийн спортын хөтөлбөрүүдийг илүү үр дүнтэй болгоход
маш их хүчин зүтгэл гаргадаг хэдий ч зарим гишүүд өөрсдийн бодлогогүй шүүмжлэлээрээ
дасгалжуулагчдад бухимдал төрүүлэх нь бий.
Өөрийг нь дагахыг эрмэлзэж байгаа хүмүүст Бурхан нэг маягийн тэнгэрлэг клубыг өгсөн.
Сайнмэдээ нь энэхүү клубын бүх гишүүд биднийг Бурхантай илүү ойртож, амьдралын турш
Түүнтэй итгэмжтэйгээр алхахад тусладаг. Энэхүү клубт авралыг авах хүмүүст үйлчлэх
тэнгэрэлчүүд (Еврей 1:14), өмнөх үед амьдарч байсан ариун хүмүүс (Еврей 11; 12:1) бий.
Энэ клубын ерөнхийлөгч бол Эзэн Есүс юм.
Өнөөдрийн эшлэлд Есүс бидний төлөө зуучлан залбирдаг гэж гарч байна. Бидний нүглийн
төлөөсийг төлсний дараа үхлээс амилж, тэнгэрт өргөгдсөн Есүс эрх мэдлийг илтгэсэн
Эцгийнхээ баруун гарын хүндэт суудалд заларч байгаа бөгөөд бидний төлөө залбирч байна.
Биднийг өдөр бүр Түүний хүсэл дотор, Түүнийг алдаршуулахын төлөө амьдраасай хэмээн
Есүс бидний төлөө залбирдаг. Элч Паул “... Бурханы баруун талд буй агаад бидний төлөө
зуучлан гуйдаг Нэгэн юм” хэмээн бичжээ (Ром 8:34).
Хүмүүсийн бий болгосон клуб тодорхой цаг хугацаанд л оршин тогтноно. Харин
мөнхийн улсын клуб байнга хөтөлбөр явуулдаг тул та бид клубын ерөнхийлөгчдөө баярлан
талархаж болно. Есүсийн хийж байсан үйлчлэл 2000 жилийн өмнө дуусаагүй. Бид өмнөө
байгаа уралдаанаа амжилттай дуусгахын төлөө Есүс бидний төлөө залбирсаар байгаа тул
Түүний үйлчлэл одоо ч үргэлжилсээр.

1.Еврей 13:5 нь Еврей 7:25-тай хэрхэн холбогдож байна вэ?
2.Есүс таны төлөө зуучлан залбирч байгаа. Тэгвэл та бусдын төлөө итгэмжтэйгээр
залбирч байна уу?
3.Есүс бидний төлөө залбирдаг. Энэ үнэн бидэнд ямар урам зориг өгч болох вэ?
4.Нэмэлтээр унших: Иохан 17

Есүс минь, миний төлөө залбирч байгаад баярлалаа. Өдөр бүр Та надад энэ үнэнийг
сануулаач. Амен.