FCA 365 Өдрийн Чимээгүй ЦагSample

ТЭР НАМАЙГ СОНГОСОН

Рик Хаф

Та нар Намайг сонгоогүй, харин Би та нарыг сонгосон. Та нарыг явж, жимс гаргаж,
үр жимс чинь үүрд байгаасай гэсэндээ Би та нарыг томилсон. Ингэснээр та нар
нэрээр минь Эцэгээс юу ч гуйсан Тэр та нарт өгөх юм.
- Иохан 15:16

Намайг ахлах сургуульд байхад Тюрк гэгч нэлээн алдартай нөхөр бөхийн зааланд орж
ирсэн юм. Би түүнийг хэн болохыг огт мэдээгүй бөгөөд гаднаас нь харахад анхаарал
татахаар юм байсангүй. Тэр намхан, махлагдуу, халзан, тавь орчим настай, тамхи татдаг хүн
байсан юм. Бөхийн дасгалжуулагч маань надад “Тэр хөгшин эр чамтай барилдмаар байна”
гэхэд миний инээд хүрч билээ. Би хөгшин тамирчныг гэмтээхгүйн тулд болгоомжтой байх
хэрэгтэй гэж бодов. Бид бөхийн дэвжээн дээр гарч, харин би түүнд хүрсэнээ л санаж байна.
Нэг мэдэхэд би нисэж, бүр агаарт хөөрж байв. Тамхины утаан дунд нисэж байхад бага зэрэг
толгой эргэмээр байсан ч тэрхэн мөчид газардах ёстойгоо ухаарав. Энэ хөгшин эр өмнө нь
хоёр ч Олимпод оролцож явжээ.
Манай баг бүхэлдээ түүний мэдлэг, туршлагын баялаг үр шимийг хүртсэн. Бидний
хэн нь ч өмнө сонсож байгаагүй бөхийн техник болон хөдөлгөөнүүдийг тэр бидэнд
үзүүлсэн бөгөөд үр дүнд нь бид том барилдаан болон хэд хэдэн тэмцээнд ялж билээ. Тюрк
тэмцээний үеэр рингийн буланд зүгээр л зогсдог байсан бөгөөд энэ нь нэг ёсны бидэнд
өгсөн гайхалтай бэлэг болдог байв. Хүчтэй, туршлагатай өрсөлдөгчидтэй тулгарах үедээ
биднийг зоригжуулан дэмжиж буй, дэлхийн аварга бөхийг харж зоригждог байлаа.
Есүс Христ таныг өөрийн багийн гишүүн болгохоор тухайлан сонгосон. Тэр таны талд
зогсож байна. Өрсөлдөгч чинь чамаас хүчтэй бас туршлагатай хэдий ч дэлхийн Ялагч нэгэн
чамтай нөхөрлөж, удирдан чиглүүлж, хүчирхэгжүүлэхийг хүсэж байна. Есүс Аварга тул бид
ч мөн ялах болно.

1.Христийн хүч чадал нь биднийг итгэлээр өсөхөд хэрхэн тусалдаг вэ?
2.Хамаг чадлаараа хичээх сэдлийг хэн чамд төрүүлдэг вэ?
3.Нэмэлтээр унших: Иохан 15:13-19

Аав аа, аварга болоход хэрэгтэй бүх зүйлийг бидэнд өгсөнд баярлалаа. Үр жимс гаргаж
чадах, Христийн хүчийг бидэнд өгөөч. Амен.