Spreuke – eenjaarleesplanSample

Die pa borduur voort op die beeld van die twee paaie. Die pad van die goddelose raak al hoe donkerder as gevolg van afvalligheid en geweld. Die pad van die regverdige raak al hoe helderder as gevolg van die beoefening van wysheid.

Dit is dus nie net belangrik om die pad van die regverdiges te kies nie, maar om ook die pad van die goddeloses en slegte mense te vermy. Die twee paaie laat dit óf donker óf lig word in jou lewe. Om die waarheid te sê, die pad van goddeloosheid is verslawend. Jy kan later nie meer daarsonder klaarkom nie (jy lê wakker)! Dit beïnvloed jou hele lewe en stel jou bloot aan die verydeling wat met boosheid en slegte mense gepaardgaan.

Geniet en oordink die betekenis van hierdie pragtige vers: “Die pad van die regverdiges is soos helder oggendlig wat groei en sterker word tot dit heeltemal dag is” (Spreuke 4:18)!