Soma Biblia Kila Siku 02/20Sample

Mungu amejibu maombi, na Esta anapewa kibali cha mfalme. Mkakati wa Esta ni kuwaokoa Wayahudi, hivyo hababaiki akiruhusiwa kuomba hata nusu ya ufalme. Esta ni mdiplomasia kweli. Hajajidhihirisha, na Hamani hashtuki bali kuona fahari tu. Ila Mordekai anaendelea kuwa kero kubwa kwa Hamani ambaye anaamua kumtundika ili kuondoa udhia. Hivyo mateso ya mwenye haki ni mengi, lakini Bwana humponya nayo yote (Zab 34:19), maana njia zake ni juu sana kuliko njia ya mtu. Mpe Mungu kuamua kuhusu mikakati yako.