သောကမီးမှ လွတ်မြောက်ချမ်းသာနမူနာ

ယုံမှားခြင်းနှင့်ကင်းသော ယုံကြည်ခြင်း

ငါသည် သင်နှင့်အတူရှိ၏။ သင့်ကို ညှဉ်းဆဲခြင်းငှာ အဘယ်သူမျှ အနိုင်အထက်မပြုရ။ (တ၊ ၁၈း၁၀က)

ထာဝရဘုရားသခင်သည် တမန်တော်ကြီးရှင်ပေါလုအဖို့ ကောရိန္သုမြို့၌ ပြီးမြောက်အောင် အမှုတော်မြတ်ပြုသမျှကာလပတ်လုံး လူအုပ်၏ ဒေါသကို ဆီးတားခဲ့သည်။ ယုဒလူမျိုး၏ ဆန့်ကျင်ခြင်းနှင့် ကဲ့ရဲ့ပြစ်တင်မှုများဖြစ်စဉ်တွင်ပင်၊ ဧဝံဂေလိတရားဟောပြောခြင်းနှင့် တရားနာသောသူ၏ ပြောင်းလဲခြင်းကို ရပ်တန့်၍မရပေ။ အကြမ်းတမ်းဆုံးသောစိတ်များအပေါ်ကိုပင် ဘုရားသခင်သည် အထွဋ်အမြတ်အာဏာတော်ကို ပိုင်တော်မူသည်။ ကိုယ်တော်၏ ဘုန်းတော်ကိုထင်ရှားစေရန် လူသား၏ ပြင်းထန်စွာထွက်သော အမျက်ဒေါသကို ပြောင်းလဲစေ၍ အသုံးပြုနိုင်ပေသည်။ သို့သော်၊ ကိုယ်တော်သည် ချုပ်နှောင်ထားသောအခါတွင်၊ မိမိ၏ကောင််းမြတ်သဘောကို သာ၍ထင်ရှားစေပြီး၊ ဘုရားသခင်သည် ချုပ်တည်းဖို့ တတ်နိုင်တော်မူ၏။ အို ထာဝရဘုရား၊ ကိုယ်တော်၏ လူတို့သည်လွန်သွားသောအခါ၊ ရွေးတော်မူသောကိုယ်တော်၏လူတို့သည် လွန်သွားသောအခါ၊ ထိုလူအမျိုးမျိုးတို့သည် ကြောက်သောစိတ်၊ ထိတ်လန့်သောစိတ်အားကြီး၍ လက်ရုံးတော်တန်ခိုးကြောင့်၊ သူတို့သည် ကျောက်ကဲ့သို့ ငြိမ်ငြိမ်နေကြလိမ့်မည်။ (ထွ၊ ၁၅း၁၆)

ထို့ကြောင့်၊ မိမိအမှုတာဝန်ကိုပြုသောအခါ၊ သူတစ်ပါးကို မကြောက်ပါစေနှင့်။ အရှင်ယေရှုဘုရားပြုတော်မူသကဲ့သို့ စိတ်ဓာတ်ကြံ့ခိုင်ပြီး ဆက်လက်လုပ်ဆောင်လျှင်၊ ဆန့်ကျင်သူများသည် နင်းနယ်လျက်ရှိသောကျူပင် (သို့) မီးခိုးများသောမီးစာကဲ့သို့ အားလျော့လျက် မိမိအားနည်းလှသောပကတိကို သက်သေပြလိမ့်မည်။ လူများသည် အကြောက်တရားဝင်လွယ်သောကြောင့် ကြောက်ရွံ့ခြင်းသို့ ရောက်လွယ်သည်။ သို့သော်၊ မိမိတို့၏လမ်းပေါ်ရှိ ပင့်ကူအိမ်များကို ဧရာမအကောင်ကြီးတစ်ကောင်မှ ဖယ်ရှားလွယ်လှသလို၊ ဘုရားသခင်ကို စိတ်နှလုံးအကြွင့်မဲ့ ယုံကြည်သူများသည် ကြောက်ရွံ့ခြင်းကို ဖယ်ရှားလွယ်လှသည်။ သခင်ဘုရားသည် အခွင့်ပေးတော်မမူလျှင်၊ မည်သူမျှ ကျွန်တော်တို့ကို မပျက်စီးနိုင်ပါ။ အမိန့်တော်၏တန်ခိုးတော်သည် မာရ်နတ်ကိုပင် ထွက်ပြေးစေသလို၊ မာရ်နတ်၏ နတ်ဆိုးများကိုလည်း သေချာစွာ ထိန်းချုပ်နိုင်သည်။ မိတ်ဆွေသည် နတ်ဆိုးများကိုကြောက်ခြင်းထက်၊ နတ်ဆိုးများသည် မိတ်ဆွေကို သာ၍ကြောက်နိုင်သည်။ ထို့ကြောင့်၊ ရဲရင့်စွာ ချီတက်ကြပါစို့။ ထို့ကြောင့်၊ မဟာရန်သူများကို မျှော်လင့်ထားသည့်နေရာ၌ပင်၊ မဟာမိတ်များကို ရှာဖွေတွေ့ရှိလိမ့်မည်။