ရှင်ပြန်ထမြောက်ရာနေ့မှဖြစ်စဉ်နမူနာ

ကြာသပတေးနေ့

ခရစ်တော်၏သေခံတော်မူခြင်းကို မျက်ဝါးထင်ထင်မြင်ရသည့် ကိုယ်တော်၏ပထမတပည့်တော်တို့၏နေရာတွင် သင့်ကိုယ်ကိုအစားထိုးကြည့်ပါ။ သင်သည် အသည်းကွဲနေပါလိမ့်မည်။ ဦးနောက်ထဲတွင် အမျိုးမျိးစဉ်စားနေပါလိမ့်မည်။ ဤအဖြစ်မှာ ဂျူးလူမျိုးတို့၏ရှင်ဘုရင်ဖြစ်သူအပေါ်၌ ဖြစ်ရမည့် အဖြစ်မျိုးလုံးဝမဟုတ်ပါ။ ကိုယ်တော်သည် အားလုံးကို မှန်လာအောင်လုပ်ပေးမည့်သူ၊ ကြိုးပဲ့သည့်အရာကို ပြုပြင်မည့်သူ၊ ပျောက်သည့်အရာကို ပြန်လည်ဖော်ထုတ်မည့်သူဖြစ်သင့်သည်။ သို့သော် ယခုမှာ အားလုံးသည် ကြိုးပဲ့၊ ဆုံးရှုံးသွားသည်။ တစ်စုံတစ်ခုမျှ မမှန်သကဲ့သို့ဖြစ်နေသည်။ လက်ဝါးကပ်တိုင်နှင့် ဗလာသင်္ချိင်းအကြားရှိအချိန်ကာလအတွင်းအသက်ရှင်နေသည်ဟု ယနေ့အောက်မေ့လျက် အချိန်ယူဆင်ခြင်ကြည့်ပါ။ မျှော်လင့်ခြင်းပျောက်ကွယ်သွား၍ ကျေးဇူးတော်ပြန်ရောက်မလာသည့်အချိန်တွင် မည်သို့ခံစားရသနည်း။ ထိုခံစားမှုဖြင့် ထိုသို့သောအခြေအနေ၌ နေ့စဉ်အသက်ရှင်နေရသော သင်၏အသိမိတ်ဆွေအတွက် ဆုတောင်းပေးပါ။ သူတို့ကို ဘုရားသခင်နှင့်မိတ်ဆက်ပေးနိုင်ရန် ယခုအပတ်တနင်္ဂနွေနေ့တွင်စောင့်ထိန်းမည့် ရှင်ပြန်ထမြောက်ရာနေ့သို့ သူတို့ကိုမည်သို့ဖိတ်ခေါ်နိုင်သည်ကို ပြသပေးတော်မူမည့်အကြောင်း ဘုရားသခင်အားဆုတောင်းပါ။