ရှင်ပြန်ထမြောက်ရာနေ့မှဖြစ်စဉ်နမူနာ

ဗုဒ္ဓဟူးနေ့

သခင်ယေရှုတွင် နောက်ဆုံးတောင်းလျှောက်လိုသည့် အရာတစ်ခု ရှိသည်။ နောက်နေ့တွင် မိမိ၌ မည်သို့ဖြစ်မည်ကို ကိုယ်တော်သိထားတော်မူသော်လည်း ကိုယ်တော်သည် နောက်ဆုံးဆုတောင်းသောအခါ မိမိအတွက်မဟုတ်ဘဲ မိတ်ဆွေအတွက်နှင့် ကျွန်တော်တို့အားလုံးအတွက် ဆုတောင်းခဲ့သည်။ မိမိတပည့်တော်များအတွက်လည်း သခင်ယေရှု ဆုတောင်ပေးခဲ့ပါသည်။ သခင်ယေရှု၏ ဆုတောင်းချက်သည် ကျွန်တော်တို့အပေါ်ရှိသော ဘုရားသခင်၏ အလိုတော်ကို ဖော်ပြခြင်း ဖြစ်သည်။ ဤအပတ်တွင်၊ သခင်ယေရှု၏ ဆုတောင်းချက်အတိုင်း ဖြစ်မြောက်လာဖို့ ကြိုးစားပါ။ ထိုသို့ဖြစ်လာစေရန် ကိုယ်တော်၏ ဆုတောင်းချက်ကို တစ်ချောင်းခြင်းဆီ ဖတ်ရှုပါ။ ယခုအပတ် တနင်္ဂနွေနေ့မှာ ကမ္ဘာတစ်ဝန်းလုံးရှိ အသင်းတော်များတွင် ကိုယ်တော်၏ ရှင်ပြန်ထမြောက်ခြင်းအထိမ်းအမှတ်ပွဲတော်ကို ကျင်းပကြသောအခါ ဘုရားသခင်နှင့် တစ်လုံးတစ်ဝတည်း ​ဖြစ်ရန်နှင့် တစ်ဦးနှင့် တစ်ဦး တစ်လုံးတစ်ဝတည်း ​ဖြစ်ရန် နည်းလမ်းကို ရှာဖွေကြပါစို့။ သခင်ယေရှု၏ ဆုတောင်းချက်ကို မိမိ၏ ဆုတောင်းချက် ဖြစ်စေ၍ ကျွန်တော်တို့၏ တစ်လုံးတစ်ဝတည်း​ဖြစ်ခြင်းအားဖြင့်လည်းကောင်း၊ ဘုရားသခင်၏ မေတ္တာတော်အားဖြင့်လည်းကောင်း လောကီသားတို့သည် ကိုယ်တော်၏ ဘုန်းတော်ကို မြင်ရလျက် ကိုယ်တော်ကို သိရှိနိုင်ဖို့ ကြိုးစားကြပါစို့။