Эцэг эх байх талаар Библи дээр гардаг 7 зүйлсЗагвар

2010 оны 6-р сард эхнэр бид хоёр анхны хүүхдээ хүлээн байсан үе. Нэгэн орой эхнэр бид хоёр манай аавтай хамт оройн хоол идэж байх үед би ааваасаа нэгэн зүйлийн талаар асуусан юм. Би ааваасаа өөрийнхөө туршлага дээр үндэслэн сайн эцэг эх байх хамгийн шилдэг зөвлөгөөг өгөөч гэж асуусан.

Аав маань хэсэг хугацаанд бодоод, дараа нь надад хэзээ ч мартагдахааргүй нэгэн зүйлийг хэлсэн юм. Аав маань хэлэхдээ: Сайн эцэг эх байх гэдэг нь чи өөрийгөө жинлээд ямар хэмжээтэй байгаагаа мэдэж болдог шиг амархан зүйл биш, харин сайн эцэг эх байхын нэг гол чанар нь шударга ёсны бэлгэ тэмдэг болох юм гэж хэлсэн. Нэг талаар чи үр хүүхдээ маш их хайрлана, нөгөө талаас үр хүүхдээ сахилга баттай байлгах хэрэгтэй. Өөрөөр хэлбэл хүүхдээ хэт эрхлүүлэх нь түүнд хортой.

Аав бас чи хүүхдэдээ хайртай гэдгээ хэдий чинээ их үзүүлнэ, тэд төдий чинээ чамайг дагаж, чамд дуулгавартай байх болно гэж хэлсэн юм. Мөн хүүхдээ сахилгажуулж байх үедээ ч гэсэн хүүхдэдээ хэр их хайртай вэ гэдгээ байнга сануулж байх хэрэгтэй гэсэн юм. Сахилгажуулалтгүй их хайрлаж, эрхлүүлэх нь тэдний ирээдүйд муугаар нөлөөлж болно мөн хайртай гэдгээ илэрхийлэлгүйгээр хэтэрхий их сахилгажуулах нь тэдний зан аашийг эвдэх аюултай байдаг.

Аавтай ярилцсан тэр оройноос хойш би хүүхдийнхээ хийсэн алдааг залруулж сахилга баттай болгох болон, хайрлах хоёрын талаар нилээн бодсон. Эцэг эхчүүд хүүхдээ сахилгажуулахад маш хэцүү байдаг гэдэгт би итгэж байна. Сахилгажуулна гэдэг огтхон ч хүсмээр зүйл биш. Сахилгажуулах нь хэцүү, гэхдээ тэдний амьдрал, ирээдүйд хэрэгтэй зүйл. Үүгээр би та бүхэнд юу гэж хэлэхийг хүссэн бэ гэхээр хүүхдээ сахилгажуулах нь тэдэнд хайртай, тэдэнд санаа тавьдаг гэдгээ илэрхийлэх бас нэгэн боломж байдаг гэж хэлэх гэсэн юм.

Эцэг эхчүүд бид үр хүүхдээ хайрлан, тэдний төлөө тэднийг сахилгажуулдаг шиг бидний Бурхан Эзэн ч бас Өөрийн сонгож авсан хүүхдүүдээ сахилгажуулдаг. Хэрэв та Есүс Христийг өөрийн Аврагч Эзэнээр хүлээн авсан бол та Бурханы хүүхэд болсон гэсэн үг. Та Бурханы гэр бүлийн гишүүн болсон.

Брэд Бэлюү
YouVersion инженер