ЕрөөгдсөнЗагвар

“Нигүүлсэнгүй болон өрөвч” 

Дуулал 112-р бүлэг дээрх зөвт нэгэн нь нигүүлсэнгүй бас өрөвч сэтгэлээр дүүрэн нэгэн гэдгээр тодорхойлогдсон байдаг. Энэ хүчирхэг хоёр чанар нь мөн Есүс Христийг тодорхойлдог.

Бурханы нигүүлслийг бид хийсэн бүтээснээрээ олж авч чадахгүй бөгөөд энэ нь элбэгээр бидэнд өгөгддөг. Энэ бол үнэ төлбөргүй бэлэг юм. Энэ нигүүлсэл хангалттай гэдгийг зарим хүмүүс хүлээн зөвшөөрч чаддаггүй — тэд өөрсдөө үүнийг олж авахын тулд ямар нэгэн зүйлийг илүү ихээр хийхийг хүсдэг. Гэвч Ром 5:20-21 бидэнд ийнхүү хэлсэн байдаг:

“...Хууль ирснээр алдаа зөрчил ихэссэн ч нүгэл ихэссэнээр нигүүлсэл улам бялхсан юм. Ингэснээр нүгэл нь үхлээр ноёрхсончлон нигүүлсэл нь бидний Эзэн Есүс Христээр дамжин мөнх аминд аваачих зөвт байдлаар ноёрхох юм.” 

Та магадгүй амьдралдаа маш том алдаануудыг хийсэн байж болох хэдий ч Бурханы нигүүлсэл нь таны гэмээс хамаагүй агуу. Өөрийнхөө амьдралыг Есүст өгөх шийдвэрийг гаргахаас өөр, Түүнээс уучлалт гуйхаас өөр бас амьдралдаа Түүнээс ирэх таны хүртэх зохисгүй өршөөл болон ерөөлийг хүлээн авахаас өөр таны хийх шаардлагатай зүйл огт үгүй. 

Энэрэл бол Бурханы бас нэг хүчирхэг шинж чанар мөн. Есүс энэрлээр ямар нэг зүйл хийх бүрт, ямар нэгэн хүчирхэг зүйл болдог. “Эрэг дээр очоод Есүс үй олон хүн байхыг харж тэднийг өрөвдөн...” (Матай 14:14)

Хүнд асуудалтай тулгарах үедээ, хүн харамсахдаа амархан байдаг боловч үнэн хэрэгтээ харамсал нь тэр бүр хэрэгцээтэй зүйл байдаггүй. Харамсал нь асуудал эсвэл гомдолтой холбоотой байдаг боловч энэ нь шийдэл дээр анхаарлыг тань төвлөрүүлдэггүй, таныг урагшилахад тусладаггүй.

Өрөвч байдал нь Бурханы нигүүлсэлтэй хамтдаа, таны амьдрал дахь Түүний хариултыг идэвхижүүлдэг хүчирхэг хүч мөн. 

ТАНЫ АМЬДРАЛЫН ХҮРЭЭ
Та магадгүй хэдэнтээ унасан байж болох юм, гэвч Бурханы нигүүлсэл нь таны сул дорой байдлаас хамаагүй хүчтэй. Таныг хүрээлэн буй хүмүүсийн харамслыг өрөвч сэтгэлтэй бүү андуур. Урамыг хүлээн авч бас амьдралынхаа бүхий л хэсэгт Бурханы хариултыг эрж хай. Ингэснээр та ерөөгдсөн амьдралаар амьдрахад хүрэх болно.