Ариун яаралт: Шаргуу ажиллан, сайн амрах амьдралын хэв маягийг олж авах ньЗагвар

Легонууд гэрийн маань хаа сайгүй хөглөрөн байна. Цуглуулга маань нэгэн Христийн мэндэлсэн баяраар авсан хэдхэн сэтээс эхэлсэн бөгөөд одоо хайрцаг хайрцагаарх өнгөлөг блокуудаар цуглуулга маань өргөжжээ. Охин маань ямар нэгэн зүйл хийхдээ, хамгийн түрүүнд том хэсгүүдийг ашигладаг. Тэдгээр дээр л бүх зүйл өрөгддөг бөгөөд тэдгээр нь бараг харагдахгүй шахам хэдэн зуун ширхэг хэсгүүдийг халхлах бөгөөд зайлшгүй шаардлагатай мөн тус тусынхаа зорилгын дагуу тоноглогдсон хэсгүүд болно.

Зүгээр л байхаас илүү зүйлийг заримдаа би огт хүсдэггүй, яг л тэдгээр том легоний блокууд шиг, тогтсон, мэдээжийн сонголтуудтай адилхан. Гэвч таны бодсон шиг тэдгээр том, гайхалтай легоний блокууд нэгэнт байшин баригдаад дууссаны дараа тийм ч их үүрэг гүйцэтгэж чаддаггүй. Морьд болон жижигхэн амьтад, жижигхэн зараанууд болон гялтганах цасан ширхэгүүдийг хурааж байх үедээ заримдаа хамгийн жижигхэн блок хамгийн агуу нөлөөг үзүүлдэг болохыг би ойлгосон.

Харагдахгүй шахам жижигхэн тунгалаг хуванцар блокууд үзэсгэлэнтэй цонхнуудыг бий болгодог.

Гялалзах жижигхэн цэгүүд нь дээвэр болон ширээг төгс болгодог.

Лууван хамар нь цасан хүнийг гүйцэлдүүлдэг бөгөөд жижигхэн тэшүүр жижигхэн хөлийг чимдэг.

Би ихэнхдээ жижигхэн дэмжлэгийн үүргийг гүйцэтгэх онцлох хэсэг болдог. Амьдралаас том зан чанараар халхлагдах дуугайхан нэгэн. Би бол амархан орлуулагдахуйц эсвэл эцсийн бүтээгдэхүүнд тийм ч шаардлагатай бус-байхад зүгээр гэхдээ "байх ёстой" нэгэн биш гэж өөрийгөө таамагладаг нэгэн. Хэр том эсвэл жижигхэнээс үл хамааран-бүхий л хэсгүүдийг хэрэгцээтэй байхаар өвөрмөцөөр, санаатайгаар Христийн бие махбодыг бүтээсэн Бурхан ямар өгөөмөр Нэгэн бэ.

Иж бүрдэлд хамгийн жижигхэн, үл анзаарагдах хэсгийн нэг гэж өөрийгөө та боддог уу? Энгийн, эгэл бөгөөд замбараагүй зүйлс хэрхэн дэлхий ертөнцөд зориулахаар зүрх сэтгэлийн тань хүсэн тэмүүлэх ариун хаанчлалын нэгэн хэсэг болох боломжтой гэдэгт та итгэж чадахгүй хэвээр байна уу? Танд өгөгдсөн ажил хангалттай гэдэгт эргэлзэх үедээ Бурханы таныг дуудсан газарт хэрхэн байсаар байх боломжтой вэ хэмээн та боддог уу?

Таны оршихуй, зорилго чинь үнэхээр чухал зүйл мөн. Бид хамгийн гайхалтай блок ч бай (бусдад бат зогсоход нь туслах) эсвэл хамгийн жижигхэн ялгах тэмдэг ч бай (тодоос тод гялалзах!) Түүний хаанчлалын төлөө нэгдэх үедээ бид Бурханыг алдаршуулдаг. Та бол орлуулагдашгүй, төгс тоноглогдсон бөгөөд Бурханы танд бэлтгэсэн ажилд юунаас ч чухал нэгэн мөн. Христ дотор байхдаа бид өөрсдийнхөө төсөөлж чадахаас ч хамаагүй илүүг хийж чаддаг.