Бүү бууж өгЗагвар

7 дахь өдөр—Нехемиа хана барьсан нь

Иерусалимын ханыг сэргээн босгоход Бурхан түүнийг дуудаж буйг Нехемиа мэдэрчээ. Тэр үед тэр алс холын нутагт хаанд ажиллаж, зүрх сэтгэлдээ хүсэх зүйлээ тэр хийж чадахгүй байв. Гэсэн хэдий ч зөвхөн Бурхан хийж чаддагчлан, Тэр бүхий л хаалгыг нээн, дуудлагатаа урагш алхах арга замыг Нехемиад гарган өгсөн.

Гэхдээ өгөгдсөн ажил тийм ч амар байгаагүй. Хана эмтэрсэн байв. Израильчууд тарж бутарсан байлаа. Эсэргүүцэл ирэх нь гарцаагүй байжээ. Эсэргүүцэл ч ирэв.

Нехемиагийн хийх гэж буй зүйлийн талаар хүмүүс дуулаад ажилд нь саад болох арга замыг эрж хайв. Тэд түүнээр доог тохуу хийж, уурлуулан, алах төлөвлөгөө өвөрлөжээ. Эсэргүүцэгчид ирэх үед зэвсэгтэй харуулд тал эрсээ Нехемиа гаргав. Энэ нь аюулгүй байдлыг олгох хэдий ч ханыг сэргээн барихад хоёр дахин илүү цаг хугацааг зарцуулах хэрэгтэй болсонд эргэлзэх зүйлгүй.

Энэ түүхийг унших үедээ, чихэнд минь Гараг эрхэст төөрсөн нь кинон дээр гарах роботын, "Аюул, Вилл Робэртсон" гэж хэлэх нь сонсогддог. Таныг яахыг би сайн мэдэхгүй ч би аль хэдийнээ бууж өгөх байсан боловуу. Энэ бол сүрдэм ажил байсан бөгөөд ирж болохуйц аюулыг, магадгүй аминд ч халтай байж болохыг нэмэх үед дуудлагын баталгаагаа та зүрхэндээ ойр байлгах хэрэгтэй.

Хэний ч төсөөлөөгүйгээр, Нехемиа санасандаа хүрсэн. Тэр тэсвэрлээд зогсолгүй түүнийг дагаж байсан хүмүүс ч мөн зорьсондоо хүрчээ. 6-р эшлэлд, "Учир нь ард түмэн ажиллах зүрхтэй байв." гэжээ. Энэ нь сүрдүүлгээс өмнө биш харин—сүрдүүлгийн ДАРАА байсан. Бурханы төлөвлөгөөг биелүүлэх гэсэн хүсэл, шийдэмгий байдал нь түүнтэй хамт ажиллах хүмүүсийнх бас болжээ. Цуцсан удирдагч хүний хувьд энэ бол үнэхээр хүчирхэг үлгэр жишээ мөн.

Тэдний тэсвэр тэвчээртэй залбирлын хандлага сүлжилдсэн мэт санагдана. Тэдний Бурханд хандах уйлаан. Үнэндээ, аюулгүй байдлынхаа төлөө харуулуудыг тавихад ямар нэгэн алхмыг хийхээсээ ч өмнө тэд үүнийг үйлдсэн. Тэдний хамгийн эхний төлөв нь—тэдний хийж чадах хамгийн чухал алхам болох залбирал байлаа. Тэднийг ийм үйлдэл хийхэд Бурхан ч бас хөдөлсөн. Бурхан залбиралд нь хариулж, тэднийг хамгаалахаар ирэв.

Бэрхшээлийнхээ хамгийн тэргүүн эгнээнд залбирлыг байрлуулах нь зайлшгүй шаардлагатай аж. Энэ нь таныг зоригжуулан, танд сануулж, тэсвэрлэхэд таны анхаарлыг төвлөрүүлсээр байх болно. Хатуужилд залбирал зайлшгүй хэрэгтэй аж.

Ханыг сэргээн барьсны дараа эргэн тойрных нь улс орнууд юу болсныг анзааран харсан бөгөөд Бурханд алдрыг өргөсөн талаар бичиж үлдээснээр Нехемиа ном төгсдөг. Нехемиагийн итгэмжтэй байдал ажлыг дуусгаад зогсолгүй хэрэв тэр бууж өгсөн бол хэзээ ч болохгүй байсан тийм арга замаар Бурханыг алдаршуулахад хүргэжээ.

Энэ 7-өдрийн аян таныг урагшилсаар байх зоригжуулалтыг өгөх болтугай хэмээн би залбирч байна. Бурханы амлалтууд, итгэмжтэй байдлыг санагтун. Бүхий л зүйл өөрсдийнх нь эсрэг байх үед огт бууж өгөөгүй Библи дээр гардаг хүмүүсийг дахин тоол. Найз минь, чи ч бас шуургыг давж гарч чадна шүү. 

Улам илүү урамшууллыг эрж хайж байвал, бодит амьдралд хэрэгжүүлэх амьдралд ойр зүйлсийг http://www.brittanyrust.com вэбсайтаас минь үзнэ үү.