കരുത്തോടെയും ധൈര്യത്തോടെയും ജീവിക്കുക!ഉദാഹരണം

"നിങ്ങൾ ഒരിക്കലും തനിച്ചല്ല"

ഉയർച്ച താഴ്ചകളുടെ ഒരു പരമ്പര, വെല്ലുവിളിയുടെയും സംശയത്തിന്റെയും ഋതുക്കൾ കൂടിച്ചേരുന്ന ആസ്വാദനത്തിന്റെയും വാഗ്ദാനങ്ങളുടെയും കാലം എന്നിവ ഉൾപ്പെടുന്നതാണ് ജീവിതമെന്ന് പലപ്പോഴും പറയാറുണ്ട്. ജീവിതം മുകളിലേക്കുള്ള സ്ഥിരമായ കയറ്റം മാത്രമല്ല; മറിച്ച് കുന്നുകളും താഴ്വരകളും അടങ്ങുന്ന ഒരു യാത്രയാണ്. എല്ലാവരും, വിശ്വാസികളും അവിശ്വാസികളും ഒരുപോലെ, ജീവിതത്തിന്റെ ഉയർച്ച താഴ്ചകളിലൂടെ കടന്നുപോകുന്നു.

എന്നാൽ ക്രിസ്ത്യാനികൾ എന്ന നിലയിൽ, ജീവിതത്തിൽ ഒരിക്കലും താഴ്‌വരകളെ ഒറ്റയ്ക്ക് അഭിമുഖീകരിക്കേണ്ടതില്ലെന്ന അവിശ്വസനീയമായ ഒരു വാഗ്ദത്തം നമുക്ക് ദൈവത്തിൽ നിന്നുണ്ട്. അവന് നമ്മോടുള്ള പ്രോത്സാഹജനകമായ വാക്കുകൾ ഇതാ:

“ബലവും ധൈര്യവുമുള്ളവരായിരിപ്പിൻ; അവരെ പേടിക്കരുതു, ഭ്രമിക്കയുമരുതു; നിന്റെ ദൈവമായ യഹോവ തന്നേ നിന്നോടുകൂടെ പോരുന്നു; അവൻ നിന്നെ കൈവിടുകയില്ല, ഉപേക്ഷിക്കയുമില്ല.” ആവർത്തനം 31:6

വെല്ലുവിളിയുടെയും വിജയത്തിന്റെയും രണ്ട് ഋതുക്കളിലും നമുക്ക് ദൈവിക സാന്നിധ്യം ആവശ്യമാണ് എന്നതാണ് സത്യം. ദൈവം നമ്മോടൊപ്പമുണ്ടെന്ന് അറിയുന്നതിലൂടെ, ജീവിതത്തിലെ ഓരോ വെല്ലുവിളികളെയും നിരാശയിലേക്കുള്ള പതനത്തെക്കാൾ വിജയത്തിലേക്കുള്ള ചവിട്ടുപടിയായി നേരിടാൻ നമുക്ക് കഴിയും.

ദൈവത്തിന് നമ്മെ കണ്ടുമുട്ടാൻ കഴിയാത്തവിധം ഒരു പർവതവും വളരെ ഉയർന്നതോ ഒരു താഴ്വരയും വളരെ താഴ്ന്നതോ അല്ല. നമ്മുടെ സാഹചര്യങ്ങൾ എന്തുതന്നെയായാലും, ദൈവം വിശ്വസ്തനാണ്, അവൻ എല്ലായ്പ്പോഴും നമ്മോടൊപ്പമുണ്ട്!