Исус ме сакаПримерок

Тоа го читам во Библијата

Како христијани Библијата е нашиот непроменлив стандард за сѐ што правиме и веруваме поради тоа што Исус го правеше истото. Ние мора да го читаме и да бидеме послушни на Божјиот Збор со цел да го откриеме нашиот идентитет во Христос. Исус кажа дека секој збор од Писмото е врежан во универзумот—уште повеќе на земјата на која живееме. Полесно е небото и земјата да исчезнат отколку една цртичка од законот да исчезне. (Лука 16:17)

Зборот Божји нѐ прави издржливи, нѐ охрабрува и нѝ дава надеж додека го следиме Исус во еден ваков расипан свет. Ако го следиш Исус и дозволиш да те промени Зборот Божји, ќе доживееш обнова што ќе предизвика значајно подобрување во многу сфери: во твоите врски, во мислите, врз навиките и изборите кои ги правиш.

Бог сака да те направи цврст и стабилен во овој свет кој е потресен, променлив, опасен и нестабилен. И уште повеќе од тоа, Тој сака да правиш добри дела, сака да те направи плодоносен, да бидеш светлина во темнината. Бог ќе те употреби таму каде што си преку животот кој го живееш. Тој ќе почне да го прави ова во моментот кога ќе го прифатиш Зборот Божји и ќе дозволиш да те прочисти и подобри.

Кај секој еден од нас постојано има што да се подобри. Не се обесхрабрувај кога ќе дознаеш дека на некое поле не си на нивото на кое сакаш да бидеш или Бог сака да бидеш. Не очајувај кога ќе увидиш дека носиш некој грев во твоето срце или дознаеш за некои лоши ситуации од твојот живот. Секој проект за обнова е постојан исто како што секој следбеник на Исус постојано се подобрува.

Зборот Божји наликува на мапа. Приметив нешто интересно за мапите, независно дали користиш мапа во хартиена или дигитална форма ти секогаш веруваш во луѓето кои ја составиле мапата. Исто така е и со Зборот Божји, можеш да Му веруваш дека секогаш кога Божјиот Збори кажува да одиш лево е многу подобро од твојата желба да се упатиш десно.

Христијанството и основите кои ги разгледавме напишани во стиховите на Исус ме љуби имаат големо влијание во нашите сегашни животи и светот. Твојот живот го добива вистинскиот облик и почнуваш да ја живееш твојата животна цел за која Бог те створил, во полнота, од моментот кога ќе започне обновата на твојот ум и твојата послушност преку силата на Светиот Дух.

Дали редовно читаш од Божјиот Збор? Посвети се да создадеш таква навика од денес.