Исус ме сакаПримерок

Зошто е добро да го прочиташ ова?

“Исус кажа, “Јас дојдов за да имаат живот и да го имаат изобилно” (Јован 10:10 Мкв). Исус дојде за да вдахне живот во нашите души, да вдахне вечен живот во нас за да нѝ овозможи да бидеме со нашиот Татко во рајот откако ќе заминеме од овој свет. Тој дојде да нѝ го вдахне овој живот во сите нас кои веруваме во Него и го прифаќаме Неговиот бесплатен подарок, спасението.

Кога умираме поради нашите грешни дела, Исус доаѓа одново за да вдахне живот во нас. Сите луѓе—припадници на сите религии, верувања и позадини—во суштина чезнеат за поврзаноста која ја нуди Исус. Бог дојде помеѓу луѓето со цел да нѐ спаси од хаосот на гревот.

Ние како христијани веруваме во Исус—кој не е само еден добар човек или идеа или учител кој мотивира и инспирира туку веруваме во Исус кој е Бог во човечко тело, Месијата кој умре на крстот за гревовите на светот и воскресна од мртвите.

Иако повеќето христијани ги разбираат овие вистини, јас се надевам дека ќе успем да ти помогнам да го разбереш прашањето, “што верувам јас како христијанин?“ поради тоа што живееме во свет каде што многу од луѓето самостојно го дефинираат христијанството, а треба да разбереме дека суштинските христијански верувања се вистини кои се непроменливи. Тоа се правила што укажуваат на причината зошто нѝ е простено и зошто Исус нѝ дава живот. Овие правила ги поставил Бог, а не луѓето и се непроменливи и не може секој да ги разбере.

Под секоја цврста куќа има невидлива потпора која ја носи тежината на целата конструкција. Ова проучување ги поставува основните верувања на нашата христијанска вера. Доколку пропуштиш да разбереш едно од овие суштински верувања, твојата вера може да се искриви или целосно да пропадне.

Многу е позитивно да ги поставиш овие основни христијански поуки во темелот на твојата вера за да можеш да видиш како Бог вешто го гради твојот стабилен живот. Овие вистини се дефинирани во Божјиот Збор, а оваа поука ќе ти помогне да ја провериш својата основа на верата што ја имаш како христијанин—за да можеш да живееш живот со голема вера. Ние растеме преку верувањето и послушноста према Божјиот Збор. Се надевам дека ќе го завршиме времето во заедништво со поголема љубов во Христос, со поглема самодоверба за нашите уверувања и посилни со цел да бидеме послушни на нашиот добар Бог. 

Каков одговор ќе дадеш сега на прашањето, “Што јас верувам како христијанин?“