Исус ме сакаПримерок

Кои се основите?

Христовите поуки се основите. Целата структура на христијанството ќе се сруши доколку се обидеш да избришеш една од нив. Основите се важни поради тоа што доколку изгубиш само една од овие поуки, ја губиш Христовата моќ која треба да те трансформира, а доколку црквата изгуби една од овие основи, ја губи Божјата сила за спасение која треба да ги трансформира луѓето и општеството. 

Божјиот збор дава дефиниција на овие основи—Писмото е р‘бетот за ваквото верување. Ние знаеме дека духовната војна е реална, затоа сме мотивирани да ги проучуваме христијанските основи на верата. Војната помеѓу доброто и злото се води во сферата на идеите—и доколку ти е јасно во што веруваш, ќе можеш да ги разликуваш добрите од лошите искривени и измамнички идеи. Поради тоа што преку нашата вера добиваме пристап до Христовата сила и живот, нашето верување мора да биде прецизно точно.

Убавата песна “Исус ме љуби“ започнува со стихови кои ги опфаќаат основите на христијанството:

Исус / ме / љуби / знам / тоа го читам во Библијата.

Христијанството е суштински многу едноставно доколку разбереме што овие зборови значат. Вака гледај на ова:

ИСУС—Што верувам во врска со Исус

Исус е целосно Бог и целосно човек, Тој е Месијата.

ME—Што верувам во врска со себеси

Секој човек е истовремено прекрасно создание—и уништен. Ние сме направени по ликот Божји, но сме заразени од гревот. Затоа, Исус може да нѐ обнови и направи “нови“ секогаш кога злото ќе нѐ расипе.

ЉУБИ—Што верувам во врска со Божјата љубов кој ја докажа на крстот

Исус дојде на овој свет со мисија да го спаси, затоа Тој умре на крстот и воскресна од мртвите.

ЗНАМ—Што верувам во врска со тоа колку е сигурно моето спасение

Спасението не може да го заслужиме, но мора да имаме волја да ја признаеме нашата потреба (покајание), да потврдиме дека Исус е Бог и да веруваме во тоа што Тој го направи на крстот за нас. 

ТОА ГО ЧИТАМ ВО БИБЛИЈАТА—Што верувам во врска со Божјиот стандард за мојот живот

Библијата е нашиот избор на еден непроменлив стандард за се што треба да направиме и веруваме бидејки го избравме Исус за пример по кој треба да се водиме. Ние треба да го читаме и да бидеме послушни на Зборот Божји за да го откриеме нашиот идентитет во Христос.

Преку употреба на овие пет фрази во овој стих, можеме лесно да ги запомниме или да се присетиме на христијанските основи во секое време каде и да сме.

Молитва: Отвори ги моите очи и срце во текот на ова патувањe и помогни ми да ги примам вистините на Твојот Збор со цел да се трансформира моето размислување. Помогни ми да поверувам во тоа што Ти сакаш да верувам. Амин.