Ny fitantanan’Andriamanitra ny fiainanao

Rehefa mandray fanapahan-kevitra araka izay mifanaraka amin'ny sitrapon'Andriamanitra dia misy lafin-javatra maro tafiditra ao. Efa itantsika teo aloha izany : miara-mirindra Aminy, misafidy ny ahatoky sy ankatoa Azy.

Tsy mitady zavatra hafa ankoatry ny anananao fiainana araka ny sitrapony Andriamanitra. Ny antony dia satria tia anao Izy. Tia anao Izy. "Izay tsy tia dia tsy mba mahalala an'Andriamanitra; fa Andriamanitra dia fitiavana." Voalaza ao amin'ny 1 Jaona 4:8 izany.

Te ikarakara anao Izy ary te itantana anao amin'ny fiainana. Toa ny mpiandry ondry izay mikarakara ny ondriny, araka izay voazava tsara ao amin'ny Salamo 23.

Rehefa manao jery todika ny taona lasa teo amin'ny fiainako aho, dia mahita fa teo Andriamanitra. Nitarika ahy Izy. Fony aho nisafidy ny handray fanapahan-kevitra irery. Tsy amin'ny alalan'ny toro-dalana avy any an-danitra akory, fa amin'ny fampiarahana ny fitempon'ny foko amin'ny an'Andriamanitra ary ny fahatokiana Azy mba hanampy ahy hanao safidy tsara sy mifanaraka amin'ny sitrapony. Tsy ny safidiko rehetra no tsara. Fa araka izay efa nozaraiko teo aloha, dia afaka mampiasa izay safidy diso Izy ary mamoaka zavatra tsara ao anatin'izany. Noho ny fitiavany anao sy ahy.

Indraindray dia sarotra ny mahita ny tanan'Andriamanitra eo amin'ny fiainanao. Fony aho tao anatin'ny ady, dia tena tsapako koa hoe sarotra izany. Rehefa miverina mandinika nefa dia mora hita ihany izany indraindray. Mety tsy mahita koa ianao. Kanefa afaka mahatoky ianao fa eo amin'ny fiainanao tokoa ny tanan'Andriamanitra. Ny Salamo 25 dia fantatra amin'ny filazana ny momban'ny fitantanan'Andriamanitra. Ao amin'io Salamo io no ahaizanao ny hoe Andriamanitra manome toro-lalana ho an'ny mpino izay akaiky Azy.

Mety miatrika fanapahan-kevitra sarotra ianao amin'izao fotoana izao ary te handray fanapahan-kevitra mifanaraka amin'ny sitrapon'Andriamanitra? Katsaho ny fitantanany. Amin'ny fankatoavana Azy sy ny fiankinan-doha Aminy dia avelao Andriamanitra hitarika anao. Eritrereto ny tenanao, ny hetahetanao dia avelao izany na toy ny ahoana ny fahatsarany dia hotarihin'Andriamanitra amin'ny fiadanany ianao. Ary ny fiadanany, izay mihoatra noho ny fahalalana rehetra, hiaro ny fonareo sy ny hevitrareo ao amin'i Kristy Jesosy.

Mirary anao hanana fahendrena betsaka aho eo amin'ny fanaovanao safidy ary mba hiainanao ny fiadanan'Andriamanitra amin'ny safidy ataonao.

Fanamarihana: Ny lahatsoratra amin'ity vakiteny ity dia avy amin'ny mailaka isan'andro “Fahagagana isan’andro”. Raha te hahazo mailaka isan'andro ianao dia manasa anao hisoratra anarana ao amin'ny Fahagagana isan’andro.