Matokia!

Te itantana anao sy te iresaka aminao Andriamanitra. Kanefa ahoana ny ataonao avy eo? Mahatoky Azy ve ianao?

Mety mampangitakitaka ny fanaovana safidy. Indrindra rehefa tarihin'ny fihetseham-po izay ianao. Kanefa ny fihetseham-po ao anatintsika tsy voatery ho ny torolalana tsara indrindra. Soa ihany fa, amin'ny alalan'ny Baiboly isika dia mianatra tsikelikely fa Andriamanitra dia azo atokisana. "Ankino amin'i Jehovah ny lalanao, ary matokia Azy, fa hataony tanteraka." (Salamo 37:5)

Mino aho fa miara-manaiky isika raha hiteny aho hoe tintsika ny mahafehy ny tenantsika. Kanefa lazaiko aminao, fa mampangitakitaka kokoa ny mandeha araka ny lalany. Efa niaina izany manokana aho. Tandremo ny mitoky amin'ny fahalalanao irery ihany na koa mitoky amin'ny tenanao mihoatra an'Andriamanitra na dia kely fotsiny aza. "Matokia an’i Jehovah amin’ny fonao rehetra, Fa aza miankina amin’ny fahalalanao; Maneke Azy amin’ny alehanao rehetra, Fa Izy handamina ny làlanao.",voalaza ao amin'ny Ohabolana 3:5-6 izany.

Tian'Andriamanitra hitombo amin'ny fahatokiana ianao. Miresaha Aminy sy amin'ireo olona manodidina anao izay tia Azy, satria Andriamanitra ihany koa dia manampy anao hitombo amin'ny alalan'ny olona manodidina anao. Afaka manamarina, amin'ny alalan'ny olona sasany, izay efa nolazainy aminao ianao.

Andriamanitra mahatoky, izany no toetra tsara indrindra ananan'Andriamanitra. Manatanteraka ny fampanantenany Izy. Tsy mba toy izany mazàna ny olona sasany. Any ka mila miverina mianatra mahatoky indray ianao. Andriamanitra kosa tsy mba mamotika ny fitokisanao velively. Na indraindray aza toa tsy azonao izay tiny atao. Matokia an'Andriamanitra fa Izy no ilay Ray tia anao, eny fa na dia amin'ny fanaovanao safidy aza.

Izany no antony itiavako milaza hoe matokia an'Andriamanitra ary ataovy miaraka Aminy ny safidinao. Na dia matahotra aza ianao, na koa tsy hainao izay mety hiafarany. Miaraka aminao Andriamanitra. Miezaha hatrany ny ahafantatra an'Andriamanitra, amin'ny alalan'ny Teniny. Dia ho hitanao fa mendrika ny tokinao Izy. Ary hitombo araka izany koa ny fahatokianao Azy.

Zavatra atao : Angataho Andriamanitra hanampy anao hitombo amin'ny fahatokiana.