Hankatoa ny feony ve ianao?

Andeha ataontsika hoe mila manao safidy ianao. Ampandraisinao anjara amin'izany Andriamanitra. Itanao ny fitantanany anao. Dia avy eo? Mankatoa ny feony ve ianao? Sa misalasala ny amin'izany?

Maro be ireo ohatra ao amin'ny Baiboly momba ireo olona izay noresahin'Andriamanitra ary hankatoa Azy, fa misy ihany koa ireo izay nisalasala. Eritrereto fotsiny anie ny momba an'i Mosesy e. Niresaka taminy tamin'ny alalan'ny kirikitra nirehitra Izy. Nisalasala Mosesy ka niteny hoe, "Indro, tsy hino ahy na hihaino ny feoko izy, fa hanao hoe: Tsy niseho taminao Jehovah."

Fotoana taorian'izay, Mosesy dia mbola nanambara tamin'ny Andriamanitra ny fisalasalany indray, "Tompo ô, mifona aminao aho, olona tsy mahay mandaha-teny aho, na hatrany aloha, na hatramin'izao itenenanao amin'ny mpanomponao izao aza; fa votsa vava sy miadam-piteny aho."

Tamin'i Abrahama indray kosa, Andriamanitra niteny hoe, "Mandehana miala amin'ny taninao sy ny havanao ary ny tranon'ny rainao hankany amin'ny tany izay hasehoko anao". Ary voalaza ihany koa fa, "Dia nandeha Abrahama araka izay efa nolazain'i Jehovah taminy". Nankatoa an'Andriamanitra i Abrahama na dia tsy fantany mihitsy aza izay ho entin'ny ho avy.

Ahoana no ahafahanao mankatoa ny feony? Voalohany sady manandanja indrindra, manokàna fotoana ho an'Andriamanitra. Izany no hampifanaraka ny fonao amin'ny Azy. Avy eo dia afaka maheno ny feony ianao.

Ny fankatoavana an'Andriamanitra dia midika ho: fanatanterahana izay sitrapony araka ny nampahafantarany izany amin'ny alalan'ny Teniny sy ny Fanahy. Eny, na dia mampitaintaina anao aza izany. Na dia, toa an'i Mosesy, manana fanahiana aza ianao. Na koa, toa an'i Abrahama, tsy mbola hainao mazava izay ho entin'ny ho avy.

Rehefa nankatoa an'Andriamanitra aho,, dia tsy nahalala izay niandry ahy akory aho. Toa ho avy tsy mbola fantatra no teo anoloako, satria ihany koa ilay olona dia nipetraka tany amina tanana alavitra ny nisy ahy tamin'izany.

Avy ao amin'izay voalaza ao amin'ny Baiboly no tiako ilazana aminao hoe: Matokia Azy, mihainoa ny feony ary manaraha Azy na aiza itondrany anao. Araka izay voalaza ao amin'ny Jaona 10:27, "Ny ondriko mihaino ny feoko, ary Izaho mahalala azy, ary izy manaraka Ahy."

Toa midika hoe hentitra izany hoe fankatoavana izany. Kanefa fanehoana fitiavana an'Andriamanitra sy fahatokiana Azy izany. Nisy olona iray izay niteny indray andro fa ny fankatoavana dia fanehoana ny fitiavan'Andriamanitra!

Fanontanina: Vonona hankatoa an'Andriamanitra ve ianao?