Iaino ny fiainana tsy manam-pahataperana 💪

Niaina nofinofy lasa tanteraka aho efa-taona lasa izay. Nandeha nanao “ski” teny amin'ny “Alpes” Soisa aho talohan'ny nandraisako fitenenana nandritra ny fihaonamben'ny mpitarika. Avy eo dia nitranga ilay tsy nampoizina : tsy afa-nihetsika intsony ny tongotro ankavanana. Nentin’ireo namako tao amina dokotera akaiky aho. Noteneniny izahay mba hamonjy hopitaly haingana. Tsy niraharaha ny resaka “assurance voyage” fa dia nandeha an-jambany fotsiny. Rehefa tena nandinika, dia tsapa fa tsy fanapahan-kevitra tsara izay natao izay.

Rehefa niverina tany Las Vegas aho dia nanapakevitra ny hiresaka manokana amin'ny dokoterako. Tsy hita mazava nefa ny toe-pahasalamako. Tsy nisy afaka nilaza tamiko izay nanjo ahy na koa ilay baomba hipoaka mety hahafaty ahy tampoka. Efa niatrika aretina mety hahafaty ve ianao? Mampihorokoditra izany e? Avy eo aho tratry ny fahatapahan'ny lalan-drà. Tsy izay loatra no tena nampivarahontsana ahy manokana fa ny manaraka rehetra avy eo. Ny fanakorontanan-tsaina noho ny aretina manko dia mety hisy fiantraikany ratsy ara-pihetseham-po amin'ny fotoana maharitra. Raha efa nanana hahatairana goavana ara-pahasalamana ianao dia mahatsapa izany koa.

Ahoana no nizakanao ireo fitsapana sy fahorianao? Ahoana no nizakanao ny COVID sy ireo voka-dratsiny?

Taorian'ny fahatapahan'ny lalan-dràko dia nanao ilay zavatra iray nanampy ahy hanatsara ny toe-pahasalamako aho : nivavaka tahaka ny adala. Amam-bolana maro dia nirona mafy tao amin'ny vavaka aho. Nanapakevitra aho ny farany fa hanao izay ho afako rehetra mba ho sitrana. Ny vavaka dia nitarika ho amin'ny asa, ary ny asa nitarika ahy ho amin'ny valim-bavaka.

Ao amin'ny bokin'ny Hebreo, ny mpanoratra dia nitantara ny amin'izay niainany ny fiainana tsy manam-pahataperana “izay natao tsy araka ny lalàn'izay didy momba ny nofo, fa araka ny herin'ny fiainana tsy manam-pahataperana.” (Hebreo 7 : 16)

Te hiaina izany fiainana izany koa ianao? Indreto misy zavatra vitsivitsy nampihariko taorian’ny fahatapahan'ny lalan-dràko:

1. Nikaroka fitaovana ara-pahasalamana aho mba hitsaboana ahy, toy ny efitrano ôksizenina, sakafo mahasalama kokoa, ary fitsaboana PEMF (Pulsed Electromagnetic Field).
2. Nandeha tany amin'ny mpitsabo manokana aho mba hanampy ahy hifehy ny fihetseham-poko.
3. Nanaraka fitsaboana ara-batana aho, sady nitady izay fitsaboana mahomby sy tsara indrindra.
4. Nivavaka tsy aki-janona.

Mivavaka aho mba hanampy anao ny herin'ny Fanahy Masina hampivelatra ny drafitry ny adinao mba hiainanao feno ny fiainana tsy manam-pahataperana satria Fahagagana ianao.

Ny namanao, Paul Marc Goulet

Fanamarihana: Ny lahatsoratra amin'ity vakiteny ity dia avy amin'ny mailaka isan'andro “Fahagagana isan’andro”. Raha te hahazo mailaka isan'andro ianao dia manasa anao hisoratra anarana ao amin'ny Fahagagana isan’andro.