Zava-pisotro mampatanjaka ara-panahy 🍷

Efa nanandrana ilay zava-pisotro mampatanjaka avy any an-danitra ve ianao? Ny vavaka no hanampy anao handray ilay zava-pisotro tena mampatanjaka.

Mampirisika antsika ny Baiboly hoe“Andramo ka izahao fa tsara Jehovah; sambatra izay olona mialoka aminy.” (Salamo 34 : 8) Jesosy nilaza hoe “Ity no tenako izay omena ho anareo; izao no ataovinareo ho fahatsiarovana Ahy.” (Lioka 22 : 19) Na dia toa hafahafa aza ny maheno ireo andininy voalaza ireo, dia misy fahamarinana ara-panahy izay afaka mitondra hery ho an'ny fiainanao mandrakizay izany.

Miasa imbetsaka aho anatin'ny herinandro. Ny fahasalamana dia anisan'ny soatoavina fototra ho ahy, ka hafahafa amiko izany hoe zava-pisotro mampatanjaka izany. Na dia lasa orinasa miroborobo fatratra manerantany aza ny famokarana ireny, dia tsy mino aho hoe tena mahasalama ireny. Misy lalana hafa tsara kokoa ahazoana tanjaka ve?

Mila tanjaka hafa ve ianao? Mba hampiroborobo ny fitadiavam-bola na ny fiainan-tokantrano ohatra. Na koa mila tanjaka manokana ianao mba hanoherana fakam-panahy iray manokana? Tsoriko aminao hoe mino aho fa samy maniry ny hanan-tanjaka avokoa isika tsirairay mba hanatontosana zava-tsarobidy amin'ny fiainantsika.

Talohan'ny niakaran’I Jesosy tany an-danitra, nanao izao fampanantenana mahery izao Izy hoe “Ary, indro, Izaho mampitondra ny teny fikasan'ny Raiko ho anareo; fa mitoera eto an-tanàna mandra-panafiana anareo amin'ny hery avy any amin'ny avo.” (Lioka 24 : 49)

Fantatrao ve ireo tanjaka karazany dimy tian’Andriamanitra atolotra ho anao? Iza amin'ireo no hangatahinao?

1. “Exousia” dia fahefan’ny Avo amin'ny andavanandrom-piainana
2. “Dunamis” dia ilay asa Fahagagana mitobaka ataon’Andrimanitra
3. “Energia” dia ilay Hery avy amin’Andriamanitra
4. “Ischuos” dia ilay hery hanatontosana asa goavana
5. “Kratos” dia ilay fahefana mitaona sy manjakazaka amin'ny hafa.

Tia anao Andriamanitra, ary tiany ianao mba hahery amin'ny alalan'ny herin'ny fitsanganana amin'ny maty. Ilay tanjaka tena izy dia ilay nanangana an'I Jesosy tamin'ny maty, fa tsy avy amina zava-pisotro mampatanjaka novidiana any an-tsena tsy akory. Tena natao ho anao ny herin'Andriamanitra satria ianao dia Fahagagana.

Ny namanao, Paul Marc Goulet