Efa fantatrao ve ny amin'ny herin'ny vavaka? 🙏

Ny vavaka angamba no hery amaivanina indrindra eto an-tany. Nahita fampanantenana iray aho mikasika ny herin'ny vavaka ao amin'ny Filipiana “Aza manahy na inona na inona; fa aoka ny fivavahana sy ny fifonana mbamin'ny fisaorana no ho entinareo manambara ny fangatahanareo amin'Andriamanitra amin'ny zavatra rehetra. Ary ny fiadanan'Andriamanitra, izay mihoatra noho ny fahalalana rehetra, hiaro ny fonareo sy ny hevitrareo ao amin'i Kristy Jesoa.” (Filipiana 4 : 6 - 7)

Ny Apôstôly Paoly dia nanome antsika ilay fanafody mora vidy indrindra amin'ny tebiteby. Azonao sary an-tsaina ve ireo olona an-tapitrisany izay mihinana fanafody, midoroka rongony, na koa marary mafy noho ny tebiteby? Lasa valan’aretina manerantany izany ka ny vavaka ihany no vahaolana - tsy vavaka fahatany, fa vavaka atao amin'Andriamanitra.

Mba efa nitebiteby koa ve ianao? Manao ahoana ny iatrehinao izany?

Inoako fa efa fantatrao fa tsy kabary tsara lahatra fotsiny ny atao hoe vavaka fa “fanononana ireo fangatahanao amin'Andriamanitra” fotsiny. Tao anaty fombam-pivavahana nentim-paharazana izay nanabe ahy dia nosoratan'ny mpitarika avokoa ny vavaka rehetra. Amin'ny maha fiangonana dia niaraka nanonona izany vavaka izany izahay rehetra. Tsy hoe manaratsy izay fomba izay aho, fa toa tsy nandaitra tamiko mihitsy ilay izy. Fa rehefa tena nanomboka nifandray bebe kokoa tamin'I Jesosy Kristy aho dia lasa nisy valiny kokoa izay vavaka nataoko. Tsy hoe raitra be na teny tsara lahatra izany, fa kosa tena vavaka tora-po.

Tsy adinoko mandrakizay ilay fotoana iray nangatahin’ny reniko ahy mba hivavaka ho an'ny namany izay mararin’ny homamiadana. Akory ny hagagako fa herinandro iray taty aoriana na mihoatra, nahita ahy nanadio ny fiarako ny reniko. Nihoraka tamim-pifaliana izy nilaza tamiko hoe “Sitrana tamin'ny homamiadana izy i Paul a!” Tamin'izay no nahatsapako fa sady tora-po no mahery ny vavaka izay nataoko. Zary lasa fotoam-panafahana izany fa tsy adidy am-bavaka intsony.

Tora-po ve ny vavaka ataonao? Manan-kery ve izany? Mangataka amin'Andriamanitra aho mba hanampy anao Izy hamantatra misimisy kokoa ny amin'ny herin'ny vavaka mandritra ireto andro manaraka ireto. Rehefa miaina izany ianao, dia tsy ho malemy intsony mandrakizay. Tsy fitalahoana na filam-bonjy ny vavaka fa tena fahefana mahery vaika manova fiainana.

Izay no mahatonga anao ho lasa mpitatitra Fahagagana satria tena Fahagagana tokoa ianao.

Ny namanao, Paul Marc Goulet

Fanamarihana :

Ny lahatsoratra amin'ity vakiteny ity dia avy ao amin'ny mailaka isan'andro Fahagaga isan’andro. Raha te hahazo mailaka isan'andro ianao dia manasa anao hisoratra anarana ao amin'ny Fahagagana isan’andro