Miafina saingy tsy adino

Ny vavaka dia manampy anao hahita toerana azo antoka miaraka amin'Andriamanitra. Mety tsy hitan’izao tontolo izao ianao, fa Andriamanitra dia mahalala ny anaranao. “...ny fiainanareo miara-miafina amin'i Kristy ao amin'Andriamanitra.” (Kolosiana 3 : 3)

Efa nanadino anaran’olona ve ianao? Efa nahatsiaro adinon’ny hafa? Mety hoe efa nisy fisondrotana tokony ho anao saingy tsy azonao tao amin'ny toeram-piasana, na koa olona tena tianao saingy tsy mamaly ilay fitiavanao. Tsy misy na iray ka te ho adinoina izany.

Tsy azoko an-tsaina hoe nisy nanadino an’I Jesosy raha nandry tao amina fasana nolavahana teo anilan’ny tendrombohitra Izy. Nalevina tao amina fasan’ny mpanan-karena Izy nandritra ny fotoana fohy, saingy ny olona rehetra nahafantatra Azy. Nantsoina hoe “Mpanjakan'ny Jiosy” Izy ho fanesoana nataon'ireo miaramila romana Azy ary “Mesia” no niantsoan’ireo mpianany azy. Roa arivo taona lasa izay no niakaran’I Jesosy tany an-danitra, dia efa betsaka sahady no nanadino Azy. Na ireo Kristianina sasany aza lasa tsy rototra intsony.

Iza Izy ho anao? Mbola ao am-pasana foana ve, sa efa nitsanga-ko velona amin'ny fiainanao?

Azonao sary an-tsaina ve ny nahazo ireo mpianatr’I Jesosy ny andro taorianan’ny fanomboana tamin'ny hazofijaliana? Tsy nandino Azy izareo, fa izareo indray ary ny mety nahatsiaro ho adino sy nilaozan’Andriamanitra. Tsy fantany fa mbola tany amin'ny helo I Jesosy mba hahazo ny fanalahidin’ny helo sy ny fasana : “Fa Kristy koa aza efa nijaly indray mandeha noho ny ota, ny Marina hamonjy ny tsy marina, mba hitondra antsika ho amin'Andriamanitra, ka novonoina tamin'ny nofo, fa novelomina tamin'ny fanahy, izay nandehanany sy nitoriany teny tamin'ireo fanahy tao an-tranomaizina,” (I Petera 3 : 18) Nataony izany rehetra izany mba ho anao sy ho ahy.

Raha izao isika mbola miady mafy amin'ny COVID-19 sy ny vokany dia sahiko ny mampanantena anao fa na dia tsy mahita Azy aza ianao dia miasa ho anao Jesosy. Mety namoy olona akaiky ianao, na ny tenanao no tsy salama. Minoa fa tena miasa ho anao Jesosy.

Mieritreritra ve ianao fa nanadino anao Andriamanitra nandritra ireo olana nosedrainao? Matokia ahy fa Tsia ny valiny. Ny Baiboly milaza hoe “Iza no manameloka? Kristy Jesoa no efa maty, eny, sady nitsangana tamin'ny maty koa ka mitoetra eo amin'ny tanana ankavanan'Andriamanitra ary mifona ho antsika.” (Romana 8 : 34) Isika no mety nanadino an’I Jesosy, fa Izy tsy mba nanadino antsika. Mijoro eo amin'ny tanana ankavanan'ny Ray Mpahary Izy, mivavaka ho anao. Mivavaka ho anao aho, satria ianao dia Fahagagana.

Ny namanao, Paul Marc Goulet