EFA HITA, NOFIDIANA, ARY VOAIRAKA ISIKA KA HANDAO!

Mandehana any amin'izao tontolo izao ianareo, ka mitoria ny filazantsara amin'ny olombelona rehetra. -Marka 16:15 MG1865

Ny nahalehibe araka ny maha-zanakavavin'ireo mpifindra monina grika taranaka voalohany dia nidika hoe nihalehibe tao anaty "bulle" grika. Satria tonga teto Aostralia ny ray aman-dreniko — sy ny namany rehetra — tsy nisy olona ianteherana afa-tsy ry zareo samy zareo ihany, dia nifamotoana foana sy nifototra mafy tamin’ny hevitra hoe maharo azy ireo ny isa. Noho izany, nandritry ny fahazazako manontolo, ny ray aman-dreniko, ny nenitoako, ny dadatoako, ny zanak'olo-mpiray tam-po, ny namako ary ny mpifanolo-bodirindrina dia namehy ny fifandraisana miori-paka teo aminay samy izahay irery araka izay azo atao, satria matahotra izay mety hitranga izy ireo raha mivoaka. Ary tsy noho izy ireo tsy niteny anglisy. Ny ray aman-dreniko aza dia tena nahay fiteny dimy: Arabo, Grika, Frantsay, Italiana ary Anglisy.Olona nahay izy ireo! Nahay nifanerasera teo amin’ny fiaraha-monina maoderina izy ireo, saingy nisafidy ny hiaina ao anatin’ny tontolo kely noforoniny.

Indraindray, heveriko fa isika Kristianina ihany koa dia mitondran-tena. tahaka izany. Miaina ao anatin'ny "bulle" kristiana isika, ao anatin'ny fiaraha-monina kristiana, ao anatin'ny fitambaran'ireo namantsika kristiana, ary mijanona ao isika. Angamba, miafina ny ivelany mihitsy aza isika, amin'ity zana-kolotsaina kristiana noforonintsika ity. Mamolavola izay heverintsika ho lanitra eto an-tany isika, ary mibanjina ny fanantenana fa handeha tsara ny zava-drehetra mandra-pialantsika amin'ity planeta ity. Rehefa dinihina tokoa anefa, Jesosy nahita, nifidy ary IZY NANIRAKA ANTSIKA ho amin’izao tontolo izao mba hanao mpianatra. Tsy afaka manao ny didiny lehibe indrindra ho laharam-pahamehana isika raha tsy misitaka amin’ilay "bulle". 

Jesosy dia tsy namonjy antsika mba hanorina zana-kolotsaina kristiana. Mba hisorohana ny fihaonana amin'ny olona tsy mitovy amintsika, tsy mitondra-tena toa antsika, tsy mitovy fironan-tsaina amintsika, na tsy mitovy finoana toa antsika. Tsy namonjy antsika Izy mba hiafina amin’izao tontolo izao, hiala amin’izao tontolo izao, tsy hiraharaha izao tontolo izao, hatahotra izao tontolo izao, hankahala izao tontolo izao, hanameloka izao tontolo izao, na hitsara izao tontolo izao. Naniraka antsika ara-bakiteny ho amin’izao tontolo izao Izy… mba hanao mpianatra… mba hitiavantsika izao tontolo izao izay noforoniny sy tiany amin-kafanam-po tokoa.

“Mandehana any amin'izao tontolo izao ianareo, ka mitoria ny filazantsara amin'ny olombelona rehetra.”

Ny teny manan-danja indrindra amin'ity andininy ity? MANDEHANA.

Mandehana any amin'izao tontolo izao

Mandehana ary tiava ny very.

Mandehana ary miara-miombom-pihetsahampo amin'ny very

Mandehana ary mamindrà fo amin'ny very.

Mandehana ary lazao amin’ireo very ny momba an’i Jesosy.

Mandehana ary manaova mpianatra.

VAVAKA

Ray any an-danitra ô, misaotra Anao fa nijery Ahy Ianao sy nifidy Ahy ary naniraka Ahy. Ampio aho hanana tanjaka sy herim-po handeha any amin’izay nanirahanao ahy sy hanao izay niantsoanao ahy. Amen.

Raha mila fanazavana fanampiny, tsidiho www.christinecaine.com/2020study  

Nalaina avy amin'ny 20/20: Hita.Nofidiana.Voairaka nosoratan'i Christine Caine. Copyright © 2019 by Christine Caine. Navoaka ary nahazoana alalana avy amin'ny Lifeway Women. All rights reserved.