ANDRIAMANITRA no naniraka anao

Izaho tsy mangataka aminao mba hampiala azy amin'izao tontolo izao, fa ny mba hiaro azy amin'ny ratsy. Tsy naman'izao tontolo izao izy, tahaka Ahy tsy naman'izao tontolo izao  Manamasina azy amin'ny fahamarinana; ny teninao no fahamarinana. Tahaka ny nanirahanao Ahy ho amin'izao tontolo izao no mba nanirahako azy kosa ho amin'izao tontolo izao.  Ary ho an'ireto no anamasinako ny tenako, mba hanamasinan'ny fahamarinanao azy. -Jaona 17:15-19 MG1865

Tamin'izay sy Nick vao nivady dia tsy mbola nisy ireny "application" manoro lalana ireny. Namaky sarintany taratasy izahay izay nibahana ny varavarankelin'ny fiara iray manontolo mihitsy rehefa velarina, ary tsy afaka miforitra toy ny tamin'ny voalohany intsony ilay izy. Mandreraka mihitsy ny dia noho izany! Rehefa nisy amin'izay ny fitaovana teknolojika tahaka ny Navman dia nahatsapa ho maivamaivana aho, ohatran' ny hoe nafahana tamin'ny karazana fanandevozana ara-panambadiana izahay. Tanatina fanjifana tokana monja dia niaina fiadanana izay mbola tsy tsapanay mihitsy hatrizay izahay. 

Kanefa tsy tena Navman ilay izy. Navwoman, ilay izy satria ny feon'ilay fitaovana dia vehivavy manana fomba fiteny milanto sy malefaka: “Eo amin'ilay rond-point, dia safidio ilay fivoahana faharoa" ary rehefa diso fivoahana ianao, dia hoy izy amin'ity feo mailaka hoe, “Miverin-dalana ô…Miverin-dalana ô.”

Noheveriko fa tena milay izy tamin’ny voalohany, ary nomeko anarana hoe Matilda. Saingy rehefa nanomboka nahatsikaritra aho fa i Nick dia nankato an-tsitrapo izay rehetra nolazainy! Tsy sosotra izy rehefa milaza aminy Matilda fa nanao fahadisoana izy na mila miodina. Tsy tezitra izy na namaly. Nanaiky mangina fotsiny izy. Tohina aho. Nomeko zanaka roa ilay rangahy iny kanefa henoiny kokoa mihoatra noho izaho ny toromarika omen'i Matilda azy! 

Eny, nokarakaraiko i Matilda. Rehefa nanomboka niteny tamiko izy hoe hivily miankavia amin’iny feo malefaka milangolango iny, dia hoy aho hoe: “Tsia.” Ary nandeha nivantana tamin'ny fiolahana aho. Nankafiziko ery ilay izy rehefa nisavoritaka iny ka nivadika ho fotsy ny écran.

Na dia eo aza ny fihetsiko adala manoloana iny milina iray iny dia tsy azoko lavina fa nanampy ihany izy indraindray. Rehefa very izahay, dia fantany ny fomba hamerenana anay amin'ny làlana. Rehefa tany amin'ny tanàna tsy mahazatra izahay, dia fantany ny fomba hanampiana anay hivezivezy amin'ny lalana sy ireo fivilian-dalana eny amin'ireo construction. Na taiza na taiza nisy anay, dia hainy ny nanoro anay tamin’ny lalana marina—na dia savoritaka sy diso toy inona aza ny lalanay.

Moa tsy izany ve no tian’Andriamanitra hatao amin’ireo izay very? Moa tsy izany ve no antony handefasana antsika ho any amin’ny tontolo very sy rava? Ny “FAHAVEREZANA” dia tsy toe-javatra tian’Andriamanitra hijanonantsika. Mandritry ny tontolo andronao, jereo hoe iza no azonao ampiana amin'ny lalanao. Tadiavo ilay very nalefan' Andriamanitra hojerenao.

VAVAKA

Ray any An-danitra ô, fantatro fa sitraponao ny hahalalan’ny olona rehetra Anao sy hahalalany ny halalin’ny fitiavanao.Apetrako aminao i __________________, mivavaka ho azy mba ho hitoetra ao aminao izy. Ampiasao aho, Tompo ô, hanampy azy hiverin-dalana mba hanolorany ny tenany ho anao, hanankinany aminao tanteraka ny fony. Amin’ny anaran’i Jesosy no ivavahako,amen.

Nalaina avy amin'ny 20/20: Hita.Nofidiana.Voairaka nosoratan'i Christine Caine. Copyright © 2019 by Christine Caine. Navoaka ary nahazoana alalana avy amin'ny Lifeway Women. All rights reserved.