NOFIDIAN'ANDRIAMANITRA IANAO

“Isaorana anie Andriamanitra, Rain'i Jesosy Kristy Tompontsika, Izay nitahy antsika tao amin'i Kristy amin'ny fitahiam-panahy rehetra any an-danitra.   Araka ny nifidianany antsika tao aminy, fony tsy mbola ary ny fanorenan'izao tontolo izao, mba ho masina sady tsy misy tsiny eo anatrehany isika, rehefa notendreny rahateo amin'ny fitiavana isika mba ho Azy,amin'ny fananganan'anaka amin'ny alalan'i Jesosy Kristy, araka izay ankasitrahan'ny fony, ho fiderana ny voninahitry ny fahasoavany, izay nanasoavany antsika maimaimpoana ao amin'ny Malala.” -Efesiana 1:3-6 MG1865

“Christine?” Hoy Neny nanontany. “Koa satria isika milaza ny marina, tianao ho fantatra ve ny marina manontolo?

33 taona aho tamin'izany, ary fantatro araka ny fomba fanontanian'i Neny fa tokana ihany no anton'izany fanontaniana izany.

Nihazakazaka nankany an-tranony aho mba hirotsaka an-tsehatra amin'izay fantatro fa tsy tokony hitranga. Nahazo taratasy i George anadahiko, milaza fa natsangana izy. Nandeha teo am-baravaran’i Neny raha teo am-panolorana an’io taratasy io taminy i George.

Tsy ho adinoko mihitsy ireo tanany nanomboka nangovitra. Ny tahotra izay nandrakotra ny masony. Ny fahaverezan'ny teny. Ary nanomboka nipatrapatraka tsy nijanona ny ranomasonay rehetra.

Rehefa nahateny amin'izay izy dia reko ny fitritran'ny fony. “Miala-tsiny aho raha izaho no namantaranao azy, George. Tsy nikasa ny handratra anao izahay. Tia anao ny rainao.Tiako ianao. Tsy afaka nitia anao mihoatra noho izao aho, eny na dia tena hoe naterako mihitsy aza ianao.”

Tsaroako ny nandehanako tany an-dakozia, nametraka ny sakafo teo amin'ny latabatra, satria misy fomba iray ahafahan'ny fianakaviana grika mamaha ny olana: fisakafoanana. 

Teo am-pihinana ny Baklava aho no nametraka ahy io fanontaniana io Neny, ary efa fantapantatro. Efa fantatro tokoa. Nikaroka ny valin-teny tanaty masony aho, naniry aho mba tsy ho ilay eritreritro ilay valin-teny, ary tafiteny taminy aho hoe: “Natsangana koa izaho.”

Minitra vitsy taoriana, nilaza ny teny mahafinaritra indrindra tamiko izy. Teny izay tena nitondra fanasitranana. Mbola naveriny tamiko mihitsy aza ireo herinandro maromaro taoriana…

“Tiako ianao fony tsy mbola fantatro ianao.”

 Mandraka androany dia ankamamiako ireo teny ireo. Izy ireo no fanheoana ny fon'ny reny iray nampahafantatra ahy fa niandry mafy ahy izy, naniry ahy ary nifidy ahy, na dia tsy mbola nipetraka tamiko akory aza ny masony  

Rehefa mieritreritra ireo teny ireo aho dia tsy afaka ny tsy hihaino ny fon’ny Raiko any an-danitra, ilay naniry ahy hatrizay ihany koa. Ilay nifidy ahy ela be talohan'ny neniko.

Ilay nifidy anao ihany koa.

VAVAKA

Andriamanitra, misaotra nifidy ahy ho zanakao, ary ho olona mpitondra ny zanakao, Jesoa, amin'ny tontoloko. Mivavaka aho mba homenao hery sy herim-po aho mba tsy hijery ny hafa araka ny fahitanao azy fotsiny, fa hitombo amin'ny finoana sy hanantona azy ireo amin'ny fitiavanao.Mba hanampy azy ireo hahatsapa fa nofidianao izy ireo. Amen.

Nalaina avy amin'ny 20/20: Hita.Nofidiana.Voairaka nosoratan'i Christine Caine. Copyright © 2019 by Christine Caine. Navoaka ary nahazoana alalana avy amin'ny Lifeway Women. All rights reserved.