IANAO DIA FANASINA SY FAHAZAVANA

Hianareo no fanasin'ny tany; fa raha ny fanasina no tonga matsatso, inona indray no hahasira azy? Tsy misy heriny hanaovana na inona na inona intsony izy, fa hariana any ivelany ka hohitsahin'ny olona. Hianareo no fahazavan'izao tontolo izao. Tsy azo afenina izay tanàna miorina eo an-tampon-tendrombohitra. Ary koa, tsy misy olona mandrehitra jiro ka mametraka azy ao ambanin'ny vata famarana, fa apetrany eo amin'ny fanaovan-jiro, ka dia mazava amin'izay rehetra ao an-trano izany. -Matio 5:13-15 MG1865

Mbola tanora mpianatra eny amin’ny oniversite aho no nanana namana izay toa nanana ny zava-drehetra — hatsaran-tarehy, naoty tsara, fahombiazana, harena. Izay rehetra tsapako fa tsy mba nananako. Na izany aza, dia nitombo fifandraisana akaiky izahay. Ary nisy fotoana nanjavona nandritra ny telo andro izy ary tsy namaly ny antsoko, dia nitebiteby aho. Rehefa nipoitra tamin'ny fomba mahagaga izy tamin'ny andro fahatelo, dia reko fa tanatina fety iray izay nihinanan'ny ankamaroan'ny olona zava-mahadomelina mba tsy hatory. Hoy izy: “Nisy fitiavana be dia be. Nisy fifaliana be, fiadanana be dia be ka jambena aho.” Ary niaraka tamin'izay dia nasehoany ny voninkazo kely iray. "Nankafiziko ery ilay izy ry Chris, ka tsy tiako ianao ho diso anjara tamin'ny zavatra niainako, ka nanajanonako tapany kely ianao." 

Nolaviko tam-panajana ny tolony, nefa taitra ihany aho. Vao roa taona lasa izay no nanolorako tanteraka ny fiainako ho an'i Jesosy, ary tsy afaka ny nisaina aho hoe: Ity tovovavy ity moa izany tena tia anao, ka tiany mba ho tsapanao ny fitiavana sy ny fifaliana ary ny fiadanana entin'ny zava-mahadomelina. Kanefa ianao, ry Christine, dia manana ny Fanahy Masin'Andriamanitra mitoetra ao anatinao, izay loharanon'ny fitiavana sy fifaliana ary fiadanana. Christine, menatra loatra ianao niresaka momba an’Andriamanitra, satria nihevitra ianao fa tsy mila azy izy, nefa Andriamanitra no tena ilainy indrindra.

Taorian'izay dia nitomany aho.Nanao velirano tamin’Andriamanitra aho fa tsy hamela na oviana na oviana ny firehetan’ny olona amin’ny zavatra tahaka ny zava-mahadomelina, ny vola, ny fahombiazana na ny antony hafa—ho lehibe noho ny hafanam-poko amin'ny fitiavana Azy sy ny fahavononako handeha hilaza amin’ny olona ny maha Izy Azy. 

Nahoana isika no manaiky mora foana fa izay mikorontana ny fiainany no tokony hotadiavina nefa tsy manaiky fa izay toa mandeha tsara dia very koa? Moa ve tsy tian’Andriamanitra ho takatsika fa ny olona very dia miseho tahaka amin’ny olona rehetra? 

Hatramin'io andro io dia tsy hadinoko mihitsy fa misy banga ao amin'ny fon'ny olombelona rehetra izay i Jesosy irery ihany no afaka mameno azy, ary mila mandre momba an'i Kristy ny tsirairay. 

VAVAKA

Andriamanitra ô, ampio aho ho lasa fanasina sy fahazavana na aiza na aiza alehako amin’izay rehetra mifanena amiko. Ampio aho hijery sy hahita…ireo maratra sy very…na ahoana na ahoana ny fisehoany. Ampio aho hahatsapa fangoraham-po sy herim-po hanatona sy hitaona olona akaiky anio. Amin'ny anaran'i Jesosy, amen.

Nalaina avy amin'ny 20/20: Hita.Nofidiana.Voairaka nosoratan'i Christine Caine. Copyright © 2019 by Christine Caine. Navoaka ary nahazoana alalana avy amin'ny Lifeway Women. All rights reserved.