Ireo Fitsipiky Ny Fitantanam-Potoana Avy Amin'ny Tenin'AndriamanitraSantionany

Lazao Fotsiny Hoe Tsia

Rehefa nanokatra ny fitantarany momba ny asa fanompoan’i Jesoa i Marka dia nampiseho ny Mpamonjy tamin’ny fomba fanasitranana izy, fandroahana demonia tamin’ny lehilahy iray tao amin’ny synagoga ary ny fanasitranana ny rafozambavin’i Petera tao an-tranony tany Kapernaomy. Tamin’io takariva io ihany dia “nentin’ny olona teo amin’i Jesoa ny marary rehetra sy ny demoniaka. Nitangorona teo am-baravarana ny iray tanàna ary maro no nositraniny."

Tsy mahagaga raha nihazakazaka nankany amin’i Jesoa ny mpianatra ny ampitso maraina ka nanao hoe: “Mitady Anao ny olona rehetra!” Mazava ho azy fa voataonan'ny hery manasitrana, mahagaga, izay ananan'i Jesoa ny iray tanàna ka naniry ny mbola hisitraka izany indray tamin’ny andro faharoa. Tsia anefa no navalin’i Jesoa. Mety tsy nampoizin'ireo mpianatra izany, hoy i Jesoa, "Andeha isika hankany amin’ny vohitra akaiky mba hitoriako any koa. Izany no nahatongavako."

Ity no voalohany, saingy azo antoka fa tsy ho fotoana farany hahenoantsika an'i Jesoa milaza hoe "tsia" ao amin'ny filazantsara. Fa naninona i Jesoa no niteny "tsia"? Mazava ho azy fa manana fahefana hanasitrana olona maro Izy. Mazava ho azy fa manana faniriana hanamaivana ny fangirifiriana eo amin'ny fiainan'ireo olona ireo Izy. Kanefa na dia mety ho naniry ny hanasitrana olona maro aza i Jesoa dia fantany fa voafetra ny fotoanany teto an-tany mba hanatanterahany ny “fikasany”. Jesoa dia tsy tonga teto an-tany fotsiny mba hanasitrana sy hanambara ny maha Izy Azy. Fa tonga koa Izy hitory ny filazantsara ho amin'ny fiomanana ny fijaliana izay ho tanterahiny eo amin'ny hazo fijaliana. Nazava tsara tamin’i Jesoa ny tanjony ary izany no nitarika Azy handa ny zavatra tsara mba hifantohany amin’ny zavatra tena ilaina, izay nahatongavany tety an-tany.

Raha tsy afaka niteny eny tamin'ny zava-drehetra i Jesoa dia tsy ho afaka hanao izany ihany koa isika. Izaho sy ianao dia manana fotoana sy loharano voafetra. Mba hanararaotana ny fotoana sisa tavela dia zava-dehibe ny ahafantarantsika mazava tsara ny zavatra inoantsika fa niantsoan'Andriamanitra antsika ka hanana fahazarana milaza hoe tsia amin’ireo fanararaotra, na dia ireo tena tsara aza, kanefa mampivily ny saintsika amin’ny iraka tena nampanaovina antsika.

Tadidio fa misy tanjona ny anton'ny fahavelomanao! Mangataka aho mba hitondra fanamby vaovao ho antsika mba hanana fahendrena amin'ny fampiasana ny fotoanantsika sisa tavela eto amin' ity izao tontolo izao ity ny Soratra Masina izay nodinihantsika nandritra ny enina andro lasa, hampiasa izay ora farany hitiavana an'Andriamanitra, hitiavana ny hafa, ary hanao mpianatr'i Jesoa Kristy amin'ny alalan'ny fiainantsika sy ny asantsika.

Raha nahafinaritra anao ity planina novakiana ity dia ho tianao ny fampaherezam-panahy ataoko isan-kerinandro izay hanampy anao hampifandray lalindalina kokoa ny filazantsara amin’ny asanao. Misorata eto.