Ireo Fitsipiky Ny Fitantanam-Potoana Avy Amin'ny Tenin'AndriamanitraSantionany

Farito Izay Tena Ilaina

Nahazo laza ratsy i Marta tamin'ny fitoriana nataontsiaka tao anatin'io andalan-tsoratra masina ao amin'ny Lioka toko faha 10 io. Fa ny zava-misy dia Marta isika rehetra indraindray, miady mafy te hahafantatra hoe inona no asa tena ilaina anatin'ny fotoana voatokana. Mazava ho azy fa nisy olona tokony nanao sakafo hariva, ary tena sahiko ny mifanamby fa i Jesoa dia tena nankasitraka ny fiantranoan'i Marta. Tsy hoe tsy zava-dehibe ny fandrahoana sakafo hariva. Fa nataon'i Jesoa nazava tsara fotsiny fa tsy izany no zava-dehibe tokony nataon'i Marta sy i Maria rahavaviny tamin'izany fotoana izany. Ny zava-dehibe indrindra tamin'izany fotoana izany dia fampianarana teo an-tongotr'i Jesoa.

Araka ny hitantsika omaly, ny fanangonana ny fanoloran-tenantsika, ny asa ary ireo tetikasa no dingana tena ilaina amin'ny fitantanana fotoana mahomby. Fa rehefa voaangona ny fanoloran-tenanao rehetra dia fotoana izao hamaritanao ireo tetikasa sy asa ao anaty lisitrao tena laharam-pahamehana indrindra. Io dingana io dia mitaky fahazavan-tsaina izay inoanao fa Andriamanitra dia niantso anao amin'izao vanim-potoana sy asanao izao. Amin'ny alalan'izay fijery lehibe izay sy ireo tanjona lehibe ao an-tsaina ireo, hanontanio ny tenanao, "Inona ny zavatra iray, rehefa vita, dia manamora na mampamokatra kokoa ny zavatra hafa rehetra amin'ity tetikasa ity?" Ny valiny amin'ity fanontaniana ity dia ny tena zava-dehibe indrindra tokony hifantohanao. Ampiandraso daholo ny zavatra rehetra mandrapahavitan'io asa iray io. Avereno indray ilay dingana avy eo.

Tamin'izaho nanoratra ny bokiko farany, Nantsoina mba hamorona, tototry ny hamaroan'ny asa tsy maintsy natao aho mba hahatonga io tetikasa io eny an-tsena. Tsy maintsy naka mpandraharaha aho, nivarotra amin'ny mpanonta boky, nanao fanadihadiana, nanoratra teny 50 000, nanangana sehatra hivarotana ny boky, sns... Saingy tamin'ny fiandohan'ny tetikasa dia efa fantatro fa raha tsy nahita mpandraharaha hitarika ahy aho dia tsy misy dikany ny momban'ny tetikasa rehetra. Ny fahitana mpandraharaha no tena laharam-pahamehana tamin'ny asako. Noho izany dia najanoko daholo ny zavatra rehetra miaraka amin'ilay tetikasa mandrapahitako mpandraharaha handray an-tanana ahy.

Ny tena marina dia, amin'ny fotoana rehetra, vitsy ireo asa sy tetikasa tena laharam-pahamehana. Ataovy fahazarana ny mamantatra ireo zavatra roa na telo tena ilaina eo amin'ny takelakao ary mifantoha amin'izy ireo mandra-pahavitan'ilay asa.