Ireo Fitsipiky Ny Fitantanam-Potoana Avy Amin'ny Tenin'AndriamanitraSantionany

Apetraho Ny Fetranao

Ao anatin'ny filazantsara efatra, Matio, Marka, Lioka ary Jaona dia voamarika imbetsaka ny fotoana maro lanin'i Jesoa nitokanany irery, lavitra ireo mpianatra, ny vahoaka ary ireo herehana tamin'ny fanompoany. Ny filazana matetika an’io fitondran-tena io dia maneho fa i Jesoa dia nahay nametraka fetra tamin’ny fotoanany. Toy izany koa, raha tiantsika ny hitantana tsara ny fotoanantsika sy handray anjara goavana amin’izao tontolo izao, dia tsy maintsy mametraka fetra mazava amin’ny fandaharam-potoanantsika ihany koa isika.

Tahaka an'i Jesoa, mila atomboka amin'ny fanokanana fotoana tsy tapaka amin'ny fivavahana (Marka 1:35) sy ny fianarana ny Tenin'Andriamanitra izany. Ny ankamaroantsika dia efa zatra amin'ny fanaovana ampahafolonkarena amin'ny volantsika. Ahoana anefa ny amin'ny fahafolonkarena amin'ny fotoanantsika? Raha mameno ny fandaharam-potoanantsika amin’ny alalan'ny zavatra takiana avy any am-piasana sy ao an-trano isika ka miezaka mitady fotoana hivavahana sy hianarana ny Tenin’Andriamanitra, dia ho tojo tsy fahombiazana. Alohan'ny handehananao lavitra kokoa amin'ity fampianarana ity dia makà fotoana hamaritana ny ampahafolon'ny fotoana tena hatokanao hivavahana sy hianarana ny tenin'Andriamanitra isan'andro.

Rehefa avy nametraka fetra mazava ao amin'ny fandaharam-potoananao ho an'ny fifehezana ara-panahy ianao dia mety hanampy anao amin'ny fandrafetana fomba fiasa sahala amin'izany izany mba handrafetana tetibola ho an'ny fotoananao ao an-trano sy any am-piasana. Amiko, ny fahazarana tsy tapaka dia manampy ahy hitazona ny "fifandanjan'ny ny asa sy ny fiainana" ho voara-maso. Saika isan'andro aho no mandeha any amin'ny birao amin'ny 4:45 maraina ary tafaverina ao an-trano amin'ny 4:00 hariva. Ity vinavinam-pandaharam-potoana ity dia manome ahy fetra mazava izay ahafahako manery ny tenako hifantoka amin'ny asako. Vita sahady ve ny asako? Mazava ho azy fa tsia. Fa mety ho marina izany raha miasa hatramin'ny 5:00, na 6:00 na amin'ny 10:00 alina aho. Tsy misy zavatra vita ohatran'izany. Ny fananako fetra hentitra amin'ny fandaharam-potoanako rehefa mifarana ny tontolo androko any am-piasana dia manome antoka fa hanana fotoana betsaka aho hiarahana amin'ny vadiko, ireo zanako ary ny fianakaviako any am-piangonana.

Raha tsy maka fotoana hametrahana fetra ao amin'ny fandaharam-potoananao ianao, dia olon-kafa no hametraka izany. Raha toa ianao ka mbola tsy nanaraka ny fitarihan'i Jesoa ary nametraka fetra mazava eo amin'ny handanianao ny fotoananao. Ity no dingana voalohany amin'ny fifehezanao ny tetiandronao sy hitantananao tsara ny fotoananao.