Ireo Fitsipiky Ny Fitantanam-Potoana Avy Amin'ny Tenin'AndriamanitraSantionany

Manaova Drafitra Isan'Andro

Tsy misy afenina fa rehefa te hampahomby amin'ny ara-bolanao ianao dia mila manao drafitra hoe aiza no handanianao ny volanao mialoha ny hanjavonany ao anatin'ny kaontinao any amin'ny banky. Mila maka lesona mitovy amin'izany isika mahakasika ny fotoanantsika. Raha ny marina, tsy tahaka ny vola, dia tsy afaka manampy ny fotoanantsika isika, ka tokony hirona bebe kokoa any amin'ny fanaovana kajy ny orantsika noho ny dolara.

Raha nanaraka ny fitarihan'i Jesoa tamin'ny andro faharoa tamin'ity planina ity ianao dia tokony manana fetra mazava izay mametraka ny habetsahan'ny fotoana hatokanao hamokarana amin'ny fotoana iray. Avy amin'ireo fetra voafaritra ireo sy ireo fanoloran-tenanao voaangona sy tetikasa sy asa vitsivitsy tena manan-danja voatanisa ireo dia fotoana izao hidirana amin'ny fomba fandaminam-potoana mazava kokoa, amin'ny alalan'ny fandrafetana ny fomba handanianao ny ora tsirairay isan'andro. Tiako ny tenin'i Jesoa ao amin'ny Lioka 14:28: "Fa iza moa aminareo, raha ta-hanao tilikambo, no tsy mipetraka aloha mihevitra izay ho lany hanaovany izany, na misy hahavitany azy, na tsia?" Ny fomba "hiheverantsika izay ho lany" amin'ny vokatry ny asa ataontsika no ikajiantsika ny fotoanantsiaka, izay ahazoantsika antoka fa "ampy hahavitana" izay zavatra nampandraiketina antsika.

Ahoana àry araka izany no fampiharana izany? Ny fanaoko dia laniako amin'ny fijerena ireo asa sy tetikasa tena laharam-pahamehana izay tiako ho tanterahina amin'ny andro manaraka ny 30 minitra farany amin'ny fotoam-piasako isan'andro, ary mandamina hoe ahoana ny hanokanako ny fotoanako hanatanterahiko indray ireo zavatra ireo sy ireo zavatra hafa ao anatin'ny tetiandroko. Amin'izany, rehefa mipetraka eo amin'ny biraoko aho ny ampitso maraina dia tsy mila mandany herin-tsaina be hieritreretana ny zavatra tokony hataoko manaraka. Efa tapaka ny hevitra. Ny zavatra sisa ataoko dia ny manatanteraka.

Ao amin'ny Ohabolana rehetra, Andriamanitra dia manambara fahendrena ny amin'ny fandaminana amim-pitandremana ny fomba fampiasantsika ny vola sy ny fotoana. Rehefa mandamina ny andronao ianao dia miezaha manamaivana izay zavatra tokony ho vitanao anatin'ny 24 ora. Ny fomba maha-olombelona dia manombatombana ny zavatra vitany amin'ny vanim-potoana iray. Ny fahafantaranao fotsiny izany dia efa hanampy anao handray fanapahan-kevitra am-pahendrena kokoa ny amin'ny fandaminanao ny fotoananao. Tsara lavitra ny manana tombom-potoana malalaka, tsy araka ny niheveranao azy, eo am-pamaranana ny tontolo andronao toy izay tsy nahavita izay nokasaina.

Tsarovy Jesoa raha nanafatra ao amin'ny Lioka 14:29-30: "Fandrao, rehefa nanao ny fanorenana izy ka tsy mahavita, dia handatsa azy izay rehetra mahita ka hanao hoe: Io olona io dia nanomboka nanao trano, fa tsy nahavita."