Ireo Fitsipiky Ny Fitantanam-Potoana Avy Amin'ny Tenin'AndriamanitraSantionany

Angony Ny Fanoloran-Tenanao

Nandidy antsika i Jesoa mba hataontsika ho "Eny" ny "Eny", kanefa miova tsikelikely ary matetika dia "Tsia" no tena mahadika ny "Eny"n'ny Kristianina. Isaky ny tsy mahatanteraka ny zavatra nekena iray isika, na tara, na tsy mahavita ny tetikasa iray ara-potoana, na tsy nahatanteraka ny fampanantenana tao anaty hafatra fa "hamaly haingana ny antsonao araka izay azo atao", dia tsy mankato ny baikon'i Jesoa hoe "Eny" ho "Eny". Eo anatrehan'ny rotorotom-piainantsika dia miteny "Eny" mihoatra ny hatramin'izay isika, kanefa miha tsy mitana ny tenintsika matetika isika. Ny zava-misy dia toa heverintsika ho tsy mampidi-doza loatra io fahotana io ka tokony hanairana sy hampahatsiahivina eo anivon’ny Fiangonana. Endrik'Andriamanitra isika, fanehoana an'i Jesoa Kristy eo anivon'ny tontolo iray izay very. Mba hanehoana tsara ny Mpamonjy antsika dia tsy maintsy mitana ny tenintsika isika. 

Fa ahoana ny fomba hampiharantsika izany? Izany dia manomboka amin'ny fananantsika rafitra iray hanangonana tsara ny fanoloran-tenantsika. Mety ho tsotra toy ny sombin-taratasy izany na koa ho sarotra toy ny rafitra fitantanan'asa atao nomerika toy ny OmniFocus. Ny fitaovana anefa dia tsinontsinona lavitra noho ny dingana. Rehefa manaraka ny baikon'i Jesoa hoe "Eny" ho "Eny" isika dia mila mitady fomba hanaraha-maso ireo zavatra nataontsika "Eny" rehetra. Ohatra hoe azo tanterahina ve izany zavatra izany sa tsia? Eny! Fa ny mampalahelo dia vitsy ny olona manao tsara izany. Ny vaovao tsara dia olana tsotra tena mora vahana izany.

Amin'izao fotoana izao, makà 30 minitra hanaovana "fitadidiana" ny fanoloran-tena rehetra nataonao tamin'ny tenanao, tamin'ny namanao, tamin'ny vadinao, tamin'ny zanakao, tamin'ny mpiara-miasa aminao, sns. Rehefa vitanao ny lisitra, jereo ireo fanoloran-tena izay mila hanaovanao fifanarahana indray na mila vitainao haingana. Ohatra, mety nampanantena ny renibenao ianao fa hiantso azy ny faran'ny herinandro teo fa mbola tsy niantso mihitsy ianao. Makà 5 minitra hiantsoana an'i nenibe dia vitao io fanoloran-tena io. Aoka ho "Eny" ny "Eny" ataonao na dia taraiky aza ianao. Mampanantena aho fa vao manomboka io fahazarana io fotsiny ianao ka matoky tena ianao fa afaka tao anatin'ny lohanao daholo ny zavatra rehetra dia hahatsapa fahafahana sy fiadanana goavana ianao.

Ny bokin'i David Allen, Mahavita ny Zavatra rehetra, no fototra tena tsara hitako hanampy anao hanara-maso ireo fanoloran-tena nataonao. Tsindrio etomba hahazoanao famintinana fohy momba ny boky sy toro-hevitra bebe kokoa momba ny fomba hahazoana antoka fa hidika ho "Eny" mandrakariva ny "Eny"nao.