Ireo Fitsipiky Ny Fitantanam-Potoana Avy Amin'ny Tenin'AndriamanitraSantionany

Ny Olana Amin'ny Fitantanantsika Fotoana

Betsaka ny manontany hevitra ahy momba ny fitantanana fotoana. Tsy hoe efa avy "nanazava" io lohahevitra io aho, fa satria efa nanana fanazaran-tena betsaka nikatsaka ny fampifandanjana ireo asa maro mamokatra eo amin'ny fiainako. Ankoatra ny maha Tale Jeneraly ahy amina orinasa mikirakira ny teknolojia, vao misandratra, izay tohanan'ny orinasa iray, dia mpanoratra ihany koa aho ary manao izay faraheriko mba hanampiana ireo rahalahiko kristianina hampifandray ny filazantsara amin'ny asan'izy ireo. Ao an-tokatrano dia vady aho ary raina zazavavy kely roa mahafinaritra izay mbola latsaky ny telo taona. Ny filazana fa tsy misy heviny ny fiainako amin'izao fotoana dia somary milaza fanambaniana. Fa noho ny fahasoavan'Andriamanitra irery ihany dia mahay "mitantana" izany rehetra izany aho ary mbola manana 7-8 ora hatoriana aho isaky ny alina.

Ny fitantanako tsara ny fotoanako dia efa fanaoko ato am-poko. Satria nahoana? Satria ny Baiboly dia mampatsiahy antsika foana, amin'ny fotoana rehetra, fa ny fiainatsika dia "zavona ihany, izay miseho vetivety, dia levona" (Jakoba 4:14). Mbola napetrak'Andriamanitra ety amin'ity izao tontolo izao ity izaho sy ianao noho ny antony manokana: ho tia Azy, ho tia ny hafa, hitarika olona ho mpianatr'i Jesoa Kristy. Olona manana tanjona isika. Tsy noforonina mba hipetrapetraka eny fotsiny isika mba hiandry ny mandrakizay. Fa nantsoina kosa isika hiasa ho an'izao tontolo izao, hamorona kolontsaina, mba hamokatra amin'ny fanompoana izay ilain'ny olona manodidina antsika amin'ny alalan'ny fiainantsika sy ny asantsika. Raha fintinina dia niantso antsika Andriamanitra mba hiaraka Aminy amin'ny iraka hataony hanavotana izao tontolo izao.

Raha heverina ny halebiazan'io iraka io sy ny fandehan'ny fotoana, dia tokony ho olona manana tanjona indrindra eto an-tany isika. Miaina toy ny mahatsapa hamehana ara-pahasalamana, mikatsaka fatratra ny hanararaotra ny fotoana sarobidy nomena antsika. Izay no mahatonga anao mamaky ity fampaherezam-panahy ity! Amin'ny andro vitsivitsy manaraka dia hiara-handalina ny Tenin'Andriamanitra isika mba hahitana fomba fiasa vitsivitsy momba ny fitantanana fotoana izay nalaina mivantana avy ao amin'ny Soratra Masina. Mampiomana anao dieny izao anefa aho fa mora io dingana io. Raha izany tokoa no hiseho dia tsy ho sahiran-dava amin'ity olana ity intsony isika rehetra. Amin'ny farany dia ny fitantanam-potoana mahomby dia miankina amin’ny fahazotoana sy ny fifehezan-tena ( Ohabolana 21:5). Araka ny hitantsika, ny fifehezan-tena miaraka amin'ny fotoanantsika no manafaka antsika hitondra ny anjara birikintsika eo amin'izao tontolo izao amin'ny anaran'ny Tompo sy Mpamonjy antsika. Vonona ny hanararaotra ny fotoana voafetra nomen’ny Tompo anao ve ianao? Andeha isika hanomboka!