ទាញយកកម្មវិធីតាមស្វែងរកសន្តិភាពគំរូ
មានសន្តិភាពជាមួយនឹងអនាគត
តើអ្នកមានសន្តិភាព នៅថ្ងៃអនាគត ដែរឬទេ? មានយប់ខ្លះដែលអ្នកគេងមិនបានលង់លក់ ទាំងធុញថប់ និងថប់បារម្ភ ហើយយប់ទាំងនោះឯងដែលបញ្ជាក់ពីភាពខ្វល់ព្រួយ អំពីអនាគតរបស់អ្នក។ មានសំឡេងជាច្រើន ដែលនាំឱ្យអារម្មណ៍របស់យើងផ្ដោតចិត្ដ។ មានសំឡេងមួយនិយាយថា៖ «មើល៍ ឱ្យភស្ដុតាងលមើល ដែលបញ្ជាក់បង្ហាញថា អ្នកជាមនុស្សល្អនោះ»។ មានសំឡេងមួយផ្សេងទៀតលើកឡើងថា៖ «អើយ អ្នកអើយអ្នក អ្នកគួរតែចេះខ្មាស់ខ្លួនឯងផងទៅ»។ ក៏មានសំឡេងណាមួយផ្សេងទៀត វាថ្លែងឡើងថា៖ «ទៅ! មិនបាច់ប្រឹងទេ។ គ្មាននរណាគេទៅខ្វល់ពីឯងនោះទេ»។ ហើយក៏មានសំឡេងផ្សេងទៀតថា៖ «ធ្វើម៉េចឲ្យបានជោគជ័យ? ធ្វើម៉េចឱ្យបានល្បីល្បាញ ហើយមានអំណាចទៅណ៎»។
ប៉ុន្តែនៅពីក្រោមសំឡេងដ៏អឺងកងទាំងប៉ុន្មាននោះ នៅមានសំឡេងដ៏ស្រទន់មួយទៀត ដែលនិយាយមកកាន់យើងថា៖ «កូនជាទីស្ងួនភ្ញារបស់យើងអើយ យើងបានចាក់បង្ហូរព្រះគុណរបស់យើងមកលើរូបអ្នក»។ នោះឯង គឺជាសំឡេង ដែលយើងគួរតែ ស្ដាប់ និងចង់បានឮ ឲ្យច្រើនជាងសំឡេងណាៗទាំងអស់។ យើងត្រូវឈប់ដាក់ការទុកចិត្តរបស់យើងទៅលើមហិច្ឆិតារបស់ខ្លួន ប៉ុន្តែ យើងត្រូវតែរៀនចេះទុកចិត្តទាំងស្រុងទៅលើព្រះជាម្ចាស់ ដោយស្វែងរកសន្តិភាព នៅក្នុងអនាគត ដែលព្រះជាម្ចាស់ទ្រង់មានសម្រាប់រូបយើង
តាមសុភាសិតអាហ្រ្វិកមួយថា៖
«មនុស្សណាដែលមានមហិច្ឆិតាខ្ពស់ពេក នោះគេដេកមិនលក់ឡើយ»។ ~ សុភាសិត របស់ ឆាត (Chad)
ការអធិស្ឋានគឺជាសរសៃឈាមនៃគ្រប់កិច្ចការទាំងអស់ដែលយើងធ្វើ។ ចូរចូលរួមជាមួយ អង្គការ Tearfund, និងក្រុមជំនុំរាប់ពាន់ផ្សេងទៀត ដែលមាននៅ ជុំវិញពិភពលោកដើម្បីអធិស្ឋាន និងស្វែងរកសន្តិភាពរបស់ព្រះជាម្ចាស់ និងការប្រោសលោះ ទៅដល់ពិភពលោក ដែលកំពុងតែជួបក្ដីឈឺចុកចាប់។
សកម្មភាព:
ចូររៀបចំគម្រោងប្រាំឆ្នាំជាមួយនឹងអ្វីដែលអ្នកចង់សម្រេច នៅក្នុងអំឡុងពេលទាំងប៉ុន្មាននោះ។ បន្ទាប់មក ចូរកត់នូវអ្វីដែលអ្នកត្រូវការពីព្រះ ដើម្បីសូមព្រះអង្គ បានសម្រេចនូវក្ដីប្រាថ្នា ហើយនិងបង្ហាញដល់រឿងរ៉ាវណា ដែលអ្នកគួរបោះបង់ចោល ឬអ្វីទាំងឡាយណា ដែលអ្នកទទួលអារម្មណ៍ ថាត្រូវថ្វាយទៅដល់ព្រះអង្គនោះវិញ។
អត្ថបទគម្ពីរ
អំពីគម្រោងអាននេះ
អង្គការ TearFund ស្វះស្វែងរកការដឹកនាំពីព្រះជាម្ចាស់ នៅក្នុងរបៀបនៃការក្លាយជាអ្នកបញ្ចេញសំឡេងនៃសន្តិភាពយ៉ាងសកម្ម ជាអ្នកនាំការផ្សះផ្សាដល់ទំនាក់ទំនង និងជាតំណស្អិតរមួតក្នុងចំណោមសហគមន៍នានា នៅជុំវិញពិភពលោក។ ការសិក្សារយៈពេល ៧ ថ្ងៃ មានភ្ជាប់ជាមួយសកម្មភាព សម្រាប់នាំការជាសះស្បើយដល់ទំនាក់ទំនងរបស់អ្នកផ្ទាល់ និងធ្វើការអធិស្ឋានសម្រាប់ពិភពលោក ដែលយើងកំពុងរស់នៅ ដោយប្រើប្រាស់ប្រាជ្ញាដ៏ហូរហៀរ ដកស្រង់ចេញពីសុភាសិតរបស់ប្រជាជននៅទ្វីបអាហ្រិ្វក ដើម្បីជួយឱ្យយើងអាចស្វែងរកឃើញព្រះហឫទ័យរបស់ព្រះ សម្រាប់សន្តិភាពដ៏ពិតប្រាកដ។
More
